كەزدەسۋدە ينۆەستيسيالىق ىنتىماقتاستىقتىڭ مۇمكىندىكتەرى تالقىلاندى. ەكونوميكانىڭ دامۋىن، ەكونوميكالىق ءوزىن-وزى قامتاماسىز ەتۋ، ەكونوميكانى ءارتاراپتاندىرۋ، ينۆەستيسيا تارتۋ، ساۋدا-ەكونوميكالىق ىنتىماقتاستىق، قازاقستاندىق ءونىمنىڭ ساپاسىن ارتتىرۋ ماقساتىندا ەلىمىزدەتيىستى دەڭگەيدە جۇمىستار اتقارىلىپ كەلەدى.

سونىڭ ىشىندە، الماتى قالاسىندا اتقارىلىپ كەلە جاتقان جۇمىستارعا توقتالساق، قالا اكىمى ەربولات دوسايەۆ ساۋدا-ىنتىماقتاستىق، ينۆەستيسيا تارتۋعا قاتىستى وزگە مەملەكەتتەردىڭ وكىلدەرىمەن ءجيى كەزدەسۋ وتكىزىپ تۇرادى. ماسەلەن، جۋىردا قالا  اكىمى ەربولات دوسايەۆ Pacific Construction Group كومپانياسىنىڭ پرەزيدەنتى سونگ شاوتينمەن  كەزدەسىپ،  كولىك ينفراقۇرىلىمى BRT، LRT، Metro، سۋمەن جابدىقتاۋ، سۋ بۇرۋ وبەكتىلەرىن سالۋ جانە سەكىلدى تاعى باسقا سالالارداعى ينۆەستيسيالىق ىنتىماقتاستىق پەرسپەكتيۆالارىن تالقىلادى. ودان بولەك،  2023 جىلى الماتى مەن جۇڭگو اراسىنداعى تاۋار اينالىمى 22 پايىزعا ۇلعايىپ، 9،4 ميلليارد اقش دوللارى (2022 جىلى 7،7 ميلليارد اقش دوللارى). بۇگىنگى تاڭدا قالادا جۇڭگو كاپيتالىنىڭ قاتىسۋىمەن 1 914 كاسىپورىن جۇمىس ىستەيدى (قازاقستان رەسپۋليكاسى – 3 427 كاسىپورىن). كەزدەسۋدىڭ قورىتىندىسىنا سايكەس،  تاراپتار ەكىجاقتى قارىم-قاتىناستاردى ودان ءارى نىعايتۋعا جانە ءوزارا ءتيىمدى سەرىكتەستىككە دايىن ەكەندىكتەرىن ءبىلدىردى.

جالپى Pacific Construction Group جۇڭگو حالىق رەسپۋبليكاسىنداعى ەڭ ءىرى جەكە قۇرىلىس كومپانياسى سانالادى. شتاب-پاتەر 1986 جىلى شىڭجاڭداعى ءۇرىمشى قالاسىندا قۇرىلعان. كوپ جىلدان بەرى كومپانيا Fortune Globalء-دىڭ 500 تىزىمىنە ەنىپ، الەمدىك قۇرىلىس يندۋسترياسىندا باستاپقى ورىنعا يە بولدى. ولاردىڭ كىزمەتتەگى نەگىزگى باعىتى – جولداردى، كوپىرلەردى، پورتتاردى مەن ونەركاسىپتىك وبەكتىلەردى سالۋمەن قاتار ءىرى ينفراقۇرىلىمدىق جوبالارعا ينۆەستور بولىپ كەلەدى. ودان بولەك، كومپانيا شانحاي–نانكين، شانحاي– چجۋحاي، پەكين–شانحاي، پەكين–گونكونگ، ليانحۋو، جۇڭگو پروۆينسيالارىنداعى قالالاردىڭ كولەمدى قۇرىلىستارىنا قاتىسقان.

وسى تاقىرىپقا ساي، بۇدان بولەك، الماتى قالاسىنىڭ اكىمى حالىقارالىق قارجى ۇيىمى (IFC) «جاسىل وبليگاسيالارمەن» ۇزاقمەرزىمدى كوممەرسيالىق سىرتقى قارجىلاندىرۋعا قولجەتىمدىلىكتى ۇلعايتۋ جونىندەگى ىنتىماقتاستىق تۋرالى كەلىسىمگە قول قويدى. كەلىسىم بارىسىندا IFC ۇلتتىق ۆاليۋتادا ۇزاقمەرزىمدى سىرتقى قارىز الۋدى تارتۋ ءۇشىن زاڭنامالىق بازانى جەتىلدىرۋ ماقساتىندا قالا اكىمدىگىنە وتەۋسىز تەحنيكالىق قولداۋ كورسەتۋدى جالعاستىرىپ كەلەدى. بۇگىنگى تاڭدا ورتالىق ازياداعى العاشقى مانۋسيپالدىق «جاسىل وبليگاسيا» تۇرىندە الەۋەتتى سىرتقى قارجىلاندىرۋ بويىنشا پيلوتتىق ترانزاكسيانى دايىنداۋ جالعاسىپ كەلەدى. بۇل جۇمىس تۇراقتى جانە جاسىل ينفراقۇرىلىم قالىپتاستىرۋدى تالاپ ەتەتىن الماتى اگلومەراسياسىن دامىتۋ جونىندەگى مەملەكەتتىك ساياساتقا سايكەس اتقارىلۋدا. بۇل جۇمىس تۇراقتى جانە جاسىل ينفراقۇرىلىم قالىپتاستىرۋدى تالاپ ەتەتىن الماتى اگلومەراسياسىن دامىتۋ جونىندەگى مەملەكەتتىك ساياساتقا ساي كەلەدى. بۇدان بولەك، الماتى قالاسىندا ينۆەستيسيالىق ىنتىماقتاستىق بارىسىندا جۇمىستار جالعاسىن تابۋدا.