وزبەكستاندا قۇربان ايت مەرەكەسى 16 ماۋسىمدا باستالادى. سوعان وراي، ەل تۇرعىندارى 4 كۇن قاتارىنان دەمالادى. بۇل تۋرالى "قۇربان ايت مەرەكەسىن تويلاۋ" تۋرالى ەل پرەزيدەنتىنىڭ قاۋلىسىنان بەلگىلى بولدى.
قۇجاتتا جازىلعانداي، قۇربان ايتتىڭ ءبىرىنشى كۇنى – 16 ماۋسىم جەكسەنبىگە سايكەس كەلەتىندىكتەن، دەمالىس دۇيسەنبى – 17 ماۋسىمعا اۋىستىرىلادى. وعان قوسا، وزبەكستان پرەزيدەنتىنىڭ 2024 جىلى رەسمي داتالاردى مەرەكەلەۋ كەزىندەگى قوسىمشا دەمالىس كۇندەرىن بەلگىلەۋ تۋرالى 2023 جىلى جەلتوقساندا قابىلدانعان جارلىعىنا سايكەس، 17 ماۋسىم قوسىمشا دەمالىس كۇنى بولىپ ەسەپتەلەدى.
سايكەسىنشە، وزبەكستاندىقتار 15-18 ماۋسىم ارالىعىندا دەمالادى.
وتكەن جىلى، ەل حالقى بۇل مەرەكەدە 5 كۇن قاتارىنان دەمالعان بولاتىن.
پىكىر قالدىرۋ