جوعارعى سوت رەسپۋبليكا بويىنشا سوت وتىرىستارىن تىكەلەي ەفيردە وتكىزۋ پراكتيكاسىن جالعاستىرىپ جاتىر.
قاراعاندى قالاسىندا جەدەل جاردەم جۇرگىزۋشىسىنە كۇش قولدانۋ ارقىلى بۇزاقىلىق جاساعان ادامنىڭ سوتىنىڭ جالعاسى قاراعاندى قالاسىندا، بۇگىن، 17 ماۋسىم ساعات 11:00-دە وتەدى.
سوت پروسەسىنىڭ ونلاين-ترانسلياسياسىن جوعارعى سوتتىڭ YouTube-ارناسىنان مىنا سىلتەمەدە كورۋگە بولادى.
ەسكە سالساق، 2024 جىلدىڭ 27 قاڭتارىندا ەر ادام ناۋقاسقا كەلگەن دارىگەرلەر بريگاداسىنىڭ جۇرگىزۋشىسىمەن سوزگە كەلىپ قالىپ، جۇدىرىق الا جۇگىرگەن بولاتىن. جانجالعا ەر ادامنىڭ اۋلا جولىمەن وتە الماعانى سەبەپ بولعان. وقيعا ورنىنان كۇدىكتى قاشىپ كەتكەن بولاتىن.
دەپۋتات ەلنۇر بەيسەنبايەۆ جەدەل جاردەم جۇرگىزۋشىسىن سوققىعا جىققان كۇدىكتىنى تەز ارادا تابۋدى تالاپ ەتىپ، 1 اقپان كۇنى جەدەل جاردەم جۇرگىزۋشىسىن ۇرعان ەر ادام ۇستالدى.
كەيىننەن ىشكى ىستەر مينيسترلىگى كۇدىكتىنىڭ جازاسىز قالمايتىنىن جەتكىزگەن بولاتىن.
پىكىر قالدىرۋ