2021-2025 جىلدارعا ارنالعان جول كارتاسىنا سايكەس، ستيپەنديا ەكى ەسەگە ۇلعايتىلادى. بۇل رەتتە ەسەپتەۋلەر كەزىندە بازالىق ستيپەنديا ءۇشىن 2020 جىلعى شاكىرتاقىلاردىڭ مولشەرى ەسەپكە الىنادى. مىسالى، باكالاۆرلاردا بۇل سوما 26 186 تەڭگەنى قۇراعان دەمەك وسى سوما جىل سايىن 20 پايىزعا ارتادى.
"وسىعان ۇقساس ەسەپتەۋ تەتىگى دەنساۋلىق ساقتاۋ مينيسترلىگى مەن نازاربايەۆ ۋنيۆەرسيتەتىنىڭ ستيپەنديالارىن قوسپاعاندا، ماگيستراتۋرادا دا، دوكتورانتۋرادا دا قولدانىلدى"، – دەپ ناقتىلادى كوميتەت.
بەلگىلى بولعانداي:
- باكالاۆرلارعا – 20 پايىزعا (41 898 تەڭگەدەن 47 135 تەڭگەگە دەيىن، ال پەداگوگيكا باعىتىندا وقيتىندارعا 67 200 تەڭگەدەن 75 600 تەڭگەگە دەيىن)؛
- ماگيسترانتتار مەن دوكتورانتتارعا – 15 پايىزعا (97 024 تەڭگەدەن 107 061 تەڭگەگە دەيىن، دوكتورانتتاردا تيىسىنشە 217 500 تەڭگەدەن 240 000 تەڭگەگە دەيىن).
- جول كارتاسىن ىسكە اسىرۋ ءۇشىن قازىرگى ۋاقىتتا ۇكىمەت قاۋلىسىنىڭ جوباسى ازىرلەندى. قۇجاتقا سايكەس، 2024 جىلدىڭ قىركۇيەگىنەن باستاپ شاكىرتاقىلار بىلاي ۇلعايادى:
- جوعارى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقيتىن ستۋدەنتتەرگە، دايارلاۋدىڭ پەداگوگيكالىق باعىتتارى جانە "دەنساۋلىق ساقتاۋ" باعىتى بويىنشا وقيتىن ستۋدەنتتەردى قوسپاعاندا – 41 898 تەڭگەدەن 47 135 تەڭگەگە دەيىن؛
- جوعارى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا دايارلاۋدىڭ پەداگوگيكالىق باعىتتارى بويىنشا وقيتىن ستۋدەنتتەرگە – 67 200-دەن 75 600 تەڭگەگە دەيىن؛
- جوعارى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا "دەنساۋلىق ساقتاۋ" دايارلاۋ باعىتى بويىنشا وقيتىن ستۋدەنتتەرگە – 67 200-دەن 75 600 تەڭگەگە دەيىن؛
- ينتەرندەرگە – 75 890 تەڭگەدەن 85 376 تەڭگەگە دەيىن؛
- ماگيسترانتتارعا – 97 024 تەڭگەدەن 107 061 تەڭگەگە دەيىن؛
- دوكتورانتتارعا – 217 500 تەڭگەدەن 240 000 تەڭگەگە دەيىن؛
"دەنساۋلىق ساقتاۋ" دايارلاۋ باعىتى بويىنشا وقيتىن دوكتورانتتاردىڭ شاكىرتاقىسى – 217 500 تەڭگەدەن 240 000 تەڭگەگە دەيىن؛
"دەنساۋلىق ساقتاۋ" دايارلاۋ باعىتى بويىنشا رەزيدەنت دارىگەرلەر مەن ماگيسترانتتارعا – 111 579 تەڭگەدەن 123 122 تەڭگەگە دەيىن.
كوميتەت اتاپ وتكەندەي، وسى جىلدىڭ بيۋدجەتىندە ستيپەنديالاردى ۇلعايتۋعا قاراجات تولىق كولەمدە جوسپارلانعان. ءوسىم ەسەبىنەن 180 مىڭنان استام ستۋدەنتتىڭ تابىسى ارتادى.
پىكىر قالدىرۋ