پەتيسيانىڭ اۆتورلارى ايەلدەر قۇقىعى مەن بالالاردىڭ قاۋىپسىزدىگىنە قاتىستى "زاڭدارعا توسقاۋىل قويۋدى" تالاپ ەتتى.
اۆتورلار قابىلدانعان زاڭ ءداستۇرلى تاربيە بەرۋ ۇدەرىسىن كريميناليزاسيالايدى، بيلىك ازاماتتاردىڭ جەكە ىستەرىنە ارالاسادى، ال اتا-انالاردىڭ كوپشىلىگى سونىڭ كەسىرىنەن ايىپپۇل تولەپ، ەسەپكە الىنىپ، ءتىپتى اتا-انا قۇقىعىنان ايىرىلادى دەپ سانايدى.
"مەن قازاقستاندا زورلىق-زومبىلىقپەن كۇرەسۋ دەگەن جەلەۋمەن اتا-انانى كىنالى ەتەتىن پرەزۋمپسياعا جول بەرەتىن، اتا-انانىڭ بەدەلىن تۇسىرەتىن زاڭنىڭ ورىندالۋىنا قارسىمىن. اتا-انالار – لوببيستىك قىلمىسكەرلەر ەمەس. بۇل زاڭدى بۇعاتتاۋدى تالاپ ەتەمىن! – دەلىنگەن پەتيسيا ماتىنىندە.
سونىمەن قاتار پەتيسيا اۆتورى جاۋاپكەرشىلىك "بالالاردى ءداستۇرلى ەمەس جىنىستىق وريەنتاسياعا بەيىمدەۋ” ءۇشىن جاسالعان دەپ سانايدى.
ەسكە سالساق، 16 ماۋسىمدا قازاقستاندا تۇرمىستىق زورلىق-زومبىلىققا قارسى زاڭ كۇشىنە ەندى.
