«سەيسمولوگيا ينستيتۋتى 2023 جىلدىڭ جەلتوقسان ايىنان باستاپ «سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعى» (سبزۇعو) بولىپ اتالادى. 2024 جىلدىڭ 9 قاڭتارىندا «عىلىم تۋرالى» قازاقستان رەسپۋبليكاسى زاڭىنىڭ 23-بابىنا سايكەس عىلىمي جانە عىلىمي-تەحنيكالىق قىزمەت سۋبەكتىسى رەتىندە بەس جىل مەرزىمگە اككرەديتاسيالاندى. باعدارلامالىق-نىسانالى قارجىلاندىرۋ اياسىندا 2024-2026 جىلدارعا ارنالعان عىلىم مينيسترلىگى جاريالاعان كونكۋرسقا «قازاقستاننىڭ وبلىستارى مەن قالالارى اۋماقتارىنىڭ سەيسميكالىق قاۋىپتىلىگىن زاماناۋي عىلىمي-ادىستەمەلىك نەگىزدە باعالاۋ» عىلىمي-تەحنيكالىق تاپسىرماسىنا قاتىسىپ جاتىر»، - دەپ اتاپ ءوتتى مينيسترلىكتەن اگەنتتىكتىڭ رەسمي ساۋالىنا وراي.

ۆەدومستۆو مالىمەتىنشە، 2025 جىلدان باستاپ سبزۇعو عىلىمي-تەحنيكالىق باعدارلامالارىن مەملەكەتتىك تاپسىرما رەتىندە قارجىلاندىرۋ جولدارى قاراستىرىلىپ جاتىر.

«پرەزيدەنت قاسىم-جومارت توقايەۆتىڭ بۇيرىعىمىن، الماتى قالاسىنىڭ اكىمدىگىنىڭ قولداۋىمەن جابدىقتاردى جاڭعىرتۋعا 2024 جىلعا 500 ملن تەنگە ءبولىندى جانە 2024-2026 جىلدارعا سەيسمولوگيالىق زەرتتەۋلەر باعىتىندا عىلىمي-تەحنيكالىق جوبانى قارجىلاندىرۋ جوسپارلانۋدا. جوبانىڭ قۇنى 1،5 ملرد. تەنگەنى قۇرايدى. سونىمەن قاتار سبزۇعو عيماراتىنا كۇردەلى جوندەۋ جۇمىستارىن جۇرگىزۋ جوباسى دايىندالۋدا»، - دەدى مينيسترلىكتەن.