17-20 شىلدە ارالىعىندا قاتتى جاۋىن-شاشىنعا بايلانىستى الماتىنىڭ تاۋلى ايماقتارىندا سۋ دەڭگەيى كوتەرىلۋى مۇمكىن. بۇل تۋرالى الماتى قالاسىنىڭ توتەنشە جاعدايلار دەپارتامەنتى "قازگيدرومەتتىڭ" ەسكەرتۋىنە سۇيەنە وتىرىپ حابارلادى.
"ءقاۋىپتى بەلگىلەردەن اسقان جاعدايدا الماتى قالاسىنىڭ اۋماعىنا ىرگەلەس تاۋ بوكتەرى مەن اۋدانداردا سۋ تاسقىنى بولۋى مۇمكىن. وسىعان وراي الماتى قالاسىنىڭ تجد تۇرعىندارعا جاقىن ورنالاسقان ارىقتار مەن كانالداردى قوقىستان تازارتۋ قاجەتتىگىن ەسكەرتەدى" – دەلىنگەن تجد حابارلاماسىندا.
سونىمەن قاتار، 18 شىلدەدە الماتىنىڭ تاۋلى اۋداندارىندا بۇرشاق جاۋىپ، نايزاعاي ويناپ، قاتتى جەل تۇرۋى مۇمكىن. جەلدىڭ ەكپىنى سەكۋندىنا 18-23 مەترگە دەيىن جەتەدى.
پىكىر قالدىرۋ