پرەزيدەنت وكىمىمەن الىبەك قۋانتىروۆ سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى. بۇل تۋرالى اقوردا حابارلادى.
"مەملەكەت باسشىسىنىڭ وكىمىمەن الىبەك ساكەن ۇلى قۋانتىروۆ قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى"– دەلىنگەن رەسمي حابارلامادا.
بۇعان دەيىن بۇل قىزمەتتى نازيرا نۇربايەۆا اتقارعان. پرەزيدەنت جارلىعىمەن نۇربايەۆا لاۋازىمىنان بوساتىلدى.
ايتا كەتەيىك، الىبەك قۋانتىروۆ 2021-2022 جىلدارى ۇلتتىق ەكونوميكا ۆيسە-مينيسترى قىزمەتتەرىن اتقارعان. ال 2022 جىلعى قاڭتاردان 2024 جىلعى اقپانعا دەيىن ۇلتتىق ەكونوميكا ءمينيسترى بولدى. بيىل ءساۋىر ايىنان باستاپ ول KazEnergy كومپانياسىنىڭ باس ديرەكتورى بولىپ تاعايىندالعان.
پىكىر قالدىرۋ