2017 جىلى شىمكەنت قالاسىنىڭ «سپورت سارايى» جشس-نىڭ 67،09% ۇلەسى جەكەشەلەندىرىلىپ، قۇنى 1 ملرد تەڭگەگە، ياعني نارىقتىق قۇنىنان 8 ەسە از سوماعا ساتىلعانى انىقتالدى.
سونىمەن قاتار سپورت سارايىن ساتىپ العان ۇيىم جەكەشەلەندىرۋ راسىمىنە زاڭسىز جىبەرىلگەن جانە جارعىلىق قۇجاتتارعا سايكەس سپورت سالاسىنداعى قىزمەتتەرمەن اينالىسۋعا قۇقىعى جوق بولعاندىقتان، اۋكسيونعا قاتىسۋشى رەتىندە تىركەلۋگە جاتپايدى.
سپورت سارايى وڭتۇستىك وڭىرلەردە قىسقى سپورت تۇرلەرىن دايىندايتىن جالعىز ورىن سانالادى.
وبەكتىنى جەكەشەلەندىرۋ كەزىندە مەملەكەت مۇلكىن قوعام يگىلىگىنە ءتيىمدى پايدالانۋ قاعيداسىنا سايكەس باسقارۋدى مىندەتتەيتىن مەملەكەتتىك مۇلىك تۋرالى زاڭنىڭ نورمالارى بۇزىلعان.
سونداي-اق 5 جىل ىشىندە مەملەكەت سپورت سارايىنىڭ ءۇي-جايىن جالعا الۋعا 1 ملرد تەڭگەدەن استام قارجى جۇمساعان.
شىمكەنت قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2024 جىلعى 27 مامىرداعى شەشىمىمەن جەكەشەلەندىرۋ ناتيجەسى جويىلدى.
قازىرگى ۋاقىتتا شەشىم زاڭدى كۇشىنە ەندى.
پىكىر قالدىرۋ