64 جاستاعى قازاقستاندىق ۆەلوشەرۋدى مامىر ايىندا باستاعان. كوپكۇندىك ساياحات اقتاۋدان باستالىپ، پاريجدەگى تريۋمف اركاسىندا اياقتالدى.
"وليمپياداعا بارۋ – ارماندارىمنىڭ ءبىرى ەدى. جاس كۇنىمدە ارمانىمدى جۇزەگە اسىرۋعا مۇمكىندىگىم بولمادى، الايدا بيىل سونىڭ ءساتى ءتۇسىپ تۇر ەكەن. جاڭبىرعا توتەپ بەرۋ، شەكارادان جانە قالا ارقىلى وتۋگە ۋاقىت پەن شىدام قاجەت، ءبىراق مەن ءوز دەگەنىمە جەتتىم"، - دەدى ءراببىم بوراشيەۆ.
ۆەلوسيپەدشى الدىمەن اقتاۋدان باكۋگە، سودان كەيىن گرۋزيا ارقىلى ماۋسىمدا تۇركياعا جەتكەن. ءارى قاراي ماجارستان، اۋستريا جانە گەرمانيا ارقىلى پاريجگە تابانى ءتيدى.
ءراببىم بوراشيەۆ زەينەتكەرلىك جاسقا دەيىن قۇرىلىس سالاسىندا جۇمىس ىستەگەن. كەيىنگى جىلدارى ۆەلوسپورتپەن تۇراقتى اينالىسىپ، بىرنەشە رەت جارىستارعا دا قاتىسىپ ۇلگەرگەن.
پىكىر قالدىرۋ