دەنساۋلىق ساقتاۋ مينيسترلىگى ازاماتتارعا دارى-دارمەكتىڭ شەكتى بولشەك ساۋدا باعاسىن باقىلاۋ ءۇشىن Dari.kz موبيلدىك قوسىمشاسىن پايدالانۋدى ۇسىنادى. بۇل ومىرلىك ماڭىزدى دارى-دارمەكتەرگە باعا بەلگىلەۋدىڭ قولجەتىمدىلىگى مەن ادىلدىگىن قامتاماسىز ەتۋگە مۇمكىندىك بەرەدى.
Dari.kz قالاي جۇمىس ىستەيدى؟
Dari.kz قوسىمشاسىنىڭ كومەگىمەن پايدالانۋشىلار باعا ساياساتىنىڭ بۇزىلۋى تۋرالى وڭاي جانە جىلدام حابارلاي الادى. بۇل ءۇشىن كەلەسىلەر جەتكىلىكتى:
1. دارى-دارمەكتىڭ تۇبىرتەگى مەن قاپتاماسىنىڭ سۋرەتىن جۇكتەڭىز.
2. دەنساۋلىق ساقتاۋ مينيسترلىگى مەديسينالىق جانە فارماسيەۆتيكالىق باقىلاۋ كوميتەتىنىڭ اۋماقتىق دەپارتامەنتتەرىنە اۆتوماتتى تۇردە جىبەرىلەتىن ءوتىنىش جىبەرىڭىز.
قوسىمشا سونىمەن قاتار دارى-دارمەكتەردى قولدانعاننان كەيىن پايدا بولعان جاناما اسەرلەر تۋرالى حابارلاۋعا مۇمكىندىك بەرەدى. بۇل دارى-دارمەكتەردىڭ ساپاسىن باقىلاۋدى جاقسارتۋعا كومەكتەسەدى.
دەنساۋلىق ساقتاۋ مينيسترلىگى بەلگىلەنگەن شەكتى بولشەك ساۋدا باعاسىنان اسىپ كەتكەنى ءۇشىن ايىپپۇلدار كوزدەلگەنىن ەسكە سالادى. "اكىمشىلىك قۇقىق بۇزۋشىلىق تۋرالى" قازاقستان رەسپۋبليكاسىنىڭ كودەكسى 426-بابىنىڭ 1-بولىگىنە سايكەس مىناداي ايىپپۇلدار كوزدەلگەن:
• جەكە تۇلعالار: 70 اەك.
• لاۋازىمدى تۇلعالار: 100 اەك.
• شاعىن كاسىپكەرلىك سۋبەكتىلەرى: 130 اەك.
• ورتا كاسىپكەرلىك سۋبەكتىلەرى: 200 اەك.
• ءىرى كاسىپكەرلىك سۋبەكتىلەرى: 1000 اەك.
Dari.kz قوسىمشانى App Store جانە Google Play قوسىمشالارىنان تەگىن جۇكتەپ الۋعا بولادى.
پىكىر قالدىرۋ