شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى "تۇركىستان وبلىسى بويىنشا دەزينفەكسيا ورتالىعى" شجق رمك فيليالىنىڭ باس ديرەكتورى ك. تورەگەلدييەۆكە جانە جەكە كومپانيانىڭ باسشىسى د. وزىقبايەۆقا قاتىستى ۇكىم شىعاردى. بۇل تۋرالى انتيكور مالىمدەدى.
"تورەگەلدييەۆ رمك-دا جۇرگىزىلىپ جاتقان اۋديتورلىق تەكسەرۋ جونىندەگى ماسەلەنىڭ شەشىمىن وڭ جاقتى ەتكەنى ءۇشىن لاۋازىمدى تۇلعالارعا پارا بەرۋ سىلتاۋىمەن وزىقبايەۆتىڭ 500 مىڭ تەڭگە سوماسىنداعى اقشالاي قاراجاتىن الاياقتىق جولمەن يەمدەنگەنى انىقتالدى. تورەگەلدييەۆ ورىندالماعان جۇمىستاردىڭ اكتىلەرىنە قول قويۋ ارقىلى مەملەكەتكە 2،2 ملن تەڭگە سوماعا زالال كەلتىردى "- دەلىنگەن رەسمي حابارلامادا.
تورەگەلدييەۆكە 3 جىل باس بوستاندىعىنان ايىرىلسا، وزىقبايەۆقا 7،5 ملن تەڭگە كولەمىندە ايىپپۇل تاعايىندالدى. سونىمەن قاتار، ايىپتالۋشىلار ءومىر بويىنا مەملەكەتتىك قىزمەت اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.
پىكىر قالدىرۋ