پاريجدە الماتى سپورت باسقارماسىنىڭ باسشىسى ەردەن حايرۋللين قايتىس بولدى. اقپاراتتى ق ر تۋريزم جانە سپورت مينيسترلىگى راستادى.
"وكىنىشكە قاراي، پاريجدە الماتى قالالىق سپورت باسقارماسىنىڭ باسشىسى ەردەن حايرۋلليننەن ايىرىلىپ قالدىق. ونىڭ كەنەتتەن جۇرەگى توقتاپ، قايتىس بولدى"، — دەدى مينيسترلىك وكىلدەرى.
ايتا كەتەيكى، ەردەن حايرۋللين 2012-2019 جىلدارى المالى اۋدانى اكىمى اپپاراتىندا كاسىپكەرلىكتى جانە ونەركاسىپتى دامىتۋ ءبولىمىنىڭ باس مامانى، وسى ءبولىمنىڭ باسشىسى بولىپ قىزمەت اتقارعان.
2019-2022 جىلدارى الماتى قالاسى المالى اۋدانى اكىمىنىڭ ورىنباسارى بولىپ جۇمىس ىستەگەن.
الماتى سپورت باسقارماسىن 2022 جىلدىڭ مامىر ايىنان بەرى باسقارىپ كەلدى.
پىكىر قالدىرۋ