الماتى وبلىسىندا «مەكتەپكە جول» اكسياسى بويىنشا ءارى الەۋمەتتىك-تۇرمىستىق جاعدايى تومەن وتباسىلارعا كومەك رەتىندە جىلداعى ءداسترۇر بويىنشا ناۋقان وتكىزىلۋدە.

بۇل شارا بىرىنشىدەن، دەموگرافيالىق ساياساتتى جۇزەگە اسىرۋ بولسا، ەكىنشىدەن، وتباسىلىق قۇندىلىقتاردى نىعايتۋ، الەۋمەتتىك-دەموگرافيالىق ساياساتتى جۇزەگە اسىرۋ بولىپ تابىلادى. جىلدا وتەتىن ناۋقان بيىل دا ءوز قۇندىلىعىن جوعالتپاي جالعاسۋدا. سونىڭ ارقاسىندا سان مىڭداعان بالا مەكتەپ فورماسى مەن وقۋعا قاجەتتى قۇرال-جابدىقتارمەن قامتاماسىز ەتىلۋدە. بۇل ناۋقان كەلەسى ايدىڭ، ياعني تامىز ايىنىڭ جيىرماسىنا دەيىن جالعاسادى.

وبلىستىق ءبىلىم باسقارماسىنىڭ باس مامانى دۋمان داۋلەتحان ۇلىنىڭ ايتۋىنشا،  وبلىستا 432 مەملەكەتىتك مەكتەپ بار بولسا، وندا وقيتىن  50 مىڭ بالا الەۋمەتتىك كومەككە مۇقتاج. جانە، بيىل دا وقۋشىلارعا جىلداعىداي كومەك كورسەتىلەدى.

سونىمەن قاتار الماتى وبلىسى ءبىلىم باسقارماسىنىڭ «ورتا ءبىلىمدى دامىتۋ» ءبولىمىنىڭ باس مامانى ايىمگۇل ساين قىزى:

وسى جىلى ءار وقۋشىعا وقۋ قۇرالدارىن الۋعا 43 407 تەڭگەدەن قارجى ءبولىندى. تەك بالانىڭ قامقورشىسى قاراجات ەسەپشوتىنا تۇسكەننەن كەيىن قارجىنىڭ قاي ساۋدا ورتالىعىنا جۇمسالعاندىعى تۋرالى ەسەپ وتكىزۋى ءتيىس.  وبلىستا اتا-اناسىنىڭ قامقورلىعىنسىز قالعاندار مەن الەۋمەتتىك از قامتىلعان، جەتىمدەرگە، توتەنشە جاعداي سالدارىنان زارداپ شەككەن وتباسىدان شىققان 14012 بالانىڭ زاڭدى وكىلدەرىنە 608،2 ميلليون تەڭگە اۋدارىلدى. ناۋقاننىڭ باستالعانىنا سانۋلى كۇن عانا، الدا بۇل جۇمىستار جالعاسىن تابادى»، — دەيدى ايىمگۇل ساين قىزى.

ودان بولەك، مامانداردىڭ سوزىنشە، الەۋمەتتىك جاعدايى تومەن وتباسىلارعا كورسەتىلەتىن ماتەريالدىق كومەك كولەمى سوڭعى 3 جىلدا 2،5 ەسە ارتقان. ماسەلەن، بۇعان دەيىن 17 مىڭ تەڭگە بولسا، ءقازىر بۇل سوما 43407 تەڭگەگە وسكەن. ال ماتەريالدىق كومەكتى الۋ ءۇشىن ءار اتا-انا نە زاڭدى قامقورشىسى مەكتەپ ديرەكتورىنىڭ اتىنا ءوتىنىش جازۋ قاجەت.