الماتى وبلىسىنداعى دەمو­گرافيالىق ءدۇمپۋ مەن ميگرا­سيالىق احۋال ءوڭىردىڭ الەۋ­مەتتىك قىزمەتتىك كورسەتۋ نىساندارىنا دەگەن سۇرانىستى جىل سايىن ارتتىرىپ كەلەدى.

2024 جىلدىڭ 1 ماۋسىمداعى ستاتيستيكاعا سايكەس، الماتى وبلىسىنداعى حالىق سانى 1543،6 مىڭ ادامعا جەتكەن. ونىڭ ىشىندە قالالالىقتاردىڭ ۇلەسى 248،7 مىڭ ادامدى، ياعني  (16،1 پايىزدى) قۇراسا، 1294،9 مىڭ ادام (83،9 پايىز) اۋىل تۇرعىندارى.

بۇعان دەيىن حالىق سانى سوڭعى جارتىجىلدىقتا 9681 ادامدى قۇرادى. ال وتكەن جىلدا حالىق سانى 9712 ادامدى قۇراعان بولاتىن. سونداي-اق، بيىلعى جىلدىڭ قاڭتار-مامىر ايىندا تۋعاندار سانى 13577 ادامعا جەتسە،  قايتىس بولعاندار سانى 3896 ادامدى قۇرادى. بۇل بىلتىرعى جىلمەن سالىستىرعاندا 3،1 پايىزعا كوبەيگەن.

كوشى-قون بويىنشا 2740 ادام قونىس اۋدارىپ كەلگەن. ونىڭ ىشىندە سىرتقى كوشى-قون بويىنشا 1422 ادام، (866)، ال ىشكى كوشى-قون بويىنشا 1318 ادام (32 ادامدى) قۇرايدى.

وبلىستاعى حالىق سانىنىڭ وسۋىنە وراي، الەۋمەتتىك قاجەتتىلىك تە تۋىندايتىنى بەلگىلى. ماسەلەن، مەكتەپ، بالاباقشا، ەمحانا سەكىلدى حالىق ءۇشىن ەڭ قاجەتتى مەكەمەلەر حالىق سانىنىڭ وسۋىنە وراي، سالىنىپ وتىرادى. الماتى وبلىسىنداعى دەموگرافيالىق جاعدايدىڭ وسۋىنە وراي، الداعى ۋاقىتتا 53 جاڭا مەكتەپ سالىنادى. ماسەلەن، الاتاۋ قالاسىندا جايلى مەكتەپ جوباسىنا سايكەس، 900 ورىندىق جاڭا مەكتەپتىڭ قۇرىلىسى ءجۇرىپ جاتىر.

ودان بولەك، الماتى وبلىسى بويىنشا  2024-2025 جىلدارى جالپى 53 جايلى مەكتەپ سالىنادى. ونىڭ 600-دەن 1500 ورىنعا دەيىنگى سىيىمدىلىعى ءارتۇرلى 26 جايلى مەكتەپتى بيىل پايدالانۋعا بەرۋ جوسپارلانىپ وتىر.

ال ەمحاناعا كەلسەك، كەشە عانا ىلە اۋدانىنا قاراستى جايناق اۋىلىندا «سالاۋمادين» امبەباپ ەمحاناسىنىڭ ىرگەتاسى قالانعان بولاتىن. سول كەشەننىڭ قۇرىلىسى اياقتالىپ، حالىققا قىزمەت ەتەتىن امبەباپ ەمحانانىڭ تۇساۋى كەسىلدى. قازىرگى ۋاقىتتا ەمحانا حالىققا قىزمەت كورسەتۋدى باستاپ كەتتى.

سونىمەن قاتار تالعار اۋداندىق ورتالىق اۋرۋحاناسىندا الماتى وبلىسى دەنساۋلىق ساقتاۋ باسقارماسىنىڭ باسشىسى المات تۇرىسبەك ۇلى مەن «A-class medical» كومپانيالارىنىى قولداۋىمەن جاڭا ەمحانا اشىلدى. مەكەمدە ماماندار دەنساۋلىق ساقتاۋ سالاسىنداعى بارلىق اقپاراتتى تالداپ، ورتالىق ونلاين رەجيمدە مەديسينالىق قىزمەت كورسەتۋ جۇيەسى تۋرالى اقپارات بەرە وتىرىپ، كۇردەلى جانە سىني جاعدايلار تۋرالى حابارلايدى. بۇل امبۋلاتوريالىق-ەمحانالىق كومەك كورسەتۋ بارىسىندا تۋىندايتىن پروبلەمالاردى تەز ارادا شەشۋگە مۇمكىندىك بەرەدى. بۇل وڭىردەگى تۇرعىنداردىڭ كەلەشەكتە دەنساۋلىقتارىن وڭتايلاندىرۋعا باستى سەبەپ بولىپ تابىلادى.