2023 جىلدىڭ قورىتىندىسىنا ساي، قازاقستاندىقتاردىڭ ءومىر ءسۇرۋ ۇزاقتىعى ءوزىنىڭ ماكسيمالدىق ءمانىن كورسەتىپ، 75،09 جاسقا جەتكەن، دەپ حابارلادى ranking.kz.

ەلدە ءومىر ءسۇرۋ ۇزاقتىعى پاندەميا كەزىن ەسەپتەمەگەندە جىل سايىن جوعارىلاپ كەلەدى. ايماقتار اراسىندا ءومىر ءسۇرۋ ۇزاقتىعى الماتىدا 78،28 جاس، استانادا 78،09، شىمكەنتتە 76،32، ماڭعىستاۋ وبلىسىندا 75،84، اتىراۋ وبلىسىندا 75،29 جاس.

ءومىر ءسۇرۋ ۇزاقتىعى قارتتاردىڭ ارتۋىنا اسەر ەتۋدە. 2024 جىلدىڭ باسىندا ەلدە 60 جاستان اسقان 2،7 ملن ادام تۇرعان. بۇل – ءبىر جىل بۇرىنعىدان 4،2 پايىزعا جوعارى، ال سوڭعى ون جىلداعى ءوسىم جىلىنا 4،4 پايىزعا تەڭ.

بۇگىندە ەل تۇرعىندارىنىڭ 13،6%-ى قارت ادامدار. كورسەتكىش 2020 جىلى 12%، 2010 جىلى 9،8% بولعان. دەموگرافتار قارت ادامدار الداعى ۋاقىتتا ارتا بەرەتىنىن ايتادى.