شقو كاتونقاراعاي اۋدانىنىڭ پروكۋراتۋراسى جۇكتىلىك تۋرالى انىقتامانىڭ – رەسمي قۇجاتىن قولدان جاساۋ جانە پايدالانۋ فاكتىسىن انىقتاعانىن حابارلادى.
اۋدان تۇرعىنى اۋداندىق اۋرۋحانادا گينەكولوگتىڭ فەلدشەرى بولىپ جۇمىس ىستەپ ءجۇرىپ، ءوزىنىڭ جۇكتىلىگى تۋرالى جالعان انىقتاما بەرگەن. ول بۇل قۇجاتتى سوتتا قاماۋعا الۋ تۇرىندەگى اكىمشىلىك جازانى بولدىرماۋ ءۇشىن پايدالانعان.
"پروكۋرورلىق تەكسەرۋ قورىتىندىسى بويىنشا ۇسىنىلعان انىقتامانىڭ جالعان ەكەنى انىقتالدى. ءبىرىنشى ساتىداعى سوت اكتىسى اۋدان پروكۋراتۋراسىنىڭ ءوتىنىشى نەگىزىندە وزگەرتىلىپ، ق. 20 تاۋلىككە اكىمشىلىك قاماۋعا الىندى. ق.-نىڭ جۇكتىلىگى تۋرالى انىقتامانى دايىنداپ، پايدالانۋىنا بايلانىستى اۋدان پروكۋراتۋراسى قازاقستان رەسپۋبليكاسى قىلمىستىق كودەكسىنىڭ 385-بابىنىڭ 1 جانە 3-بولىكتەرى بويىنشا سوتقا دەيىنگى تەرگەپ-تەكسەرۋدى باستادى. 2024 جىلى 8 تامىزدا سوت ك.-نى تاعىلعان ايىپتار بويىنشا كىنالى دەپ تاۋىپ، ءبىر جىلعا باس بوستاندىعىن شەكتەۋ جازاسىنا سوتتادى" دەلىنگەن حابارلامادا.
پىكىر قالدىرۋ