تەلەارنا مالىمەتىنشە، جەدەل مەديسينالىق جاردەم ستانساسى جەكە كومپانيامەن 25 كولىك قۇرالىن جالعا الۋ تۋرالى كەلىسىمگە وتىرعان. ولار دارىگەرلەردى ناۋقاستارعا تاسيدى. اي سايىن 25 كولىككە 25 ميلليون تەڭگە كەتەدى. ولار تەك ءۇشىنشى جانە ءتورتىنشى ساناتتاعى شاقىرتۋعا بارادى. جاۋاپتى مەكەمە وكىلدەرىنىڭ ايتۋىنشا، تەحنيكا تاپشىلىعى مەن كومەك كورسەتۋ ۋاقىتىن ايتارلىقتاي قىسقارتۋعا مۇمكىندىك بەرەدى. استاناداعى جەدەل مەديسينالىق جاردەم ستانساسىندا 59 كولىك بار. ولار ءبىرىنشى جانە ەكىنشى ساناتتاعى ناۋقاستاردىڭ شاقىرتۋىنا بارادى. ال 60 كولىك جوندەۋدە تۇر. 

"ءۇشىنشى جانە ءتورتىنشى ساناتتاعى شاقىرتۋ ورتالىققا كەلىپ تۇسەتىن قوڭىراۋدىڭ 70-80 پايىزىن قۇرايدى. وسىنداي جەڭىل شاقىرتۋلارعا جالعا الىنعان كولىكتەر بارىپ ءجۇر. استانا قالاسى اكىمدىگىنىڭ قولداۋىمەن 70-كە جۋىق ترانسپورت ساتىپ الۋ جوسپارلانعان. جاڭا كولىكتەر جىلدىڭ سوڭىنا دەيىن كەلۋى كەرەك. ەگەر ولار كەلسە، جالعا العان كومپانيامەن كەلىسىمدى بۇزامىز. بۇل –ۋاقىتشا قولعا الىنعان شارا"، – دەدى جەدەل مەديسينالىق جاردەم ستانساسى باسشىسىنىڭ مىندەتىن اتقارۋشى نۇردانات بەركىنعالي.