9ا ىقشاماۋدانىنداعى ۋچاسكەگە «IKSOR Development» قۇرىلىس كومپانياسى جاۋاپتى بولدى. الەۋمەتتىك جەلىلەر ارقىلى ولار باسقا بەلسەندىلەردىڭ باسقوسۋىن ۇيىمداستىردى. 50 قىزمەتكەرگە دزيۋدو مەكتەبىنىڭ سپورتشىلارى، جاعاجاي ۆولەيبولشىلارى، جۇگىرۋشىلەر مەن جاس انالار قوسىلدى. - مەن Run كلۋبىندا تاڭەرتەڭ جۇگىرەمىن، بالاممەن سەرۋەندەيمىن. مۇمكىندىگىنشە مەن ءارقاشان جولدا جاتقان قوقىستاردى جينايمىن. مۇنداي ەكولوگيالىق باستامالار اقتاۋدى كوركەيتۋ ءۇشىن عانا ەمەس، تۇرعىندار ءۇشىن دە ماڭىزدى، ويتكەنى ولار قالا الدىنداعى جاۋاپكەرشىلىكتى سەزىنەدى. اركىم ءوز قوقىسىن ءوزى جيناسا، اقتاۋ بۇدان دا تازارار ەدى»، – دەيدى اقتاۋلىق جادىرا يمانبايەۆا. سەنبىلىككە قاتىسۋشىلار ءوز جۇمىستارىن بىرنەشە كەزەڭگە ءبولدى. ارامشوپتەر جويىلدى، تۇرمىستىق قالدىقتار بولەك جينالدى، ءتىپتى پلاستيك بوتەلكەلەردىڭ قاقپاعى دا پايداعا استى. ولار قايىرىمدىلىق ۇيىمىنا بەرىلەدى. – بۇگىندە مۇندا ءبىزدىڭ كومپانيانىڭ 50 قىزمەتكەرى عانا ەمەس، ءتۇرلى ۇيىمداردىڭ وكىلدەرى دە قاتىسۋدا. بىزگە «مەن اقتاۋدى سۇيەمىن» كومپوزيسياسىنان باستاپ “جارتاستى سوقپاققا” دەيىنگى ءبولىم ءبولىندى. ولاردى قىزىقتىرۋ ءۇشىن ءبىز سىيلىقتار مەن سەرتيفيكاتتار دايىندادىق. ەندى ەكولوگيالىق شارالاردى ءجيى ۇيىمداستىرۋعا تىرىسامىز. باسقا قۇرىلىس كومپانيالارىن قاتىسۋعا شاقىرامىن»، – دەيدى «IKSOR Development» كومپانياسىنىڭ وكىلى اقمارال يليۋبايەۆا. سونىمەن، ەكواكسيانىڭ بەلسەندى قاتىسۋشىسى اتانعان بالالارعا كينوتەاترعا بيلەتتەر مەن ساپبوردقا سەرتيفيكاتتار تابىس ەتىلدى.