استانادا اەس سالۋ ماسەلەسى بويىنشا جاريا تالقى باستالدى. بۇل – رەفەرەندۋم الدىنداعى سوڭعى جاريا تالقى.

تالقى بارىسىندا سپيكەرلەردىڭ باسىم كوپشىلگى ەنەرگيا جەتىسپەۋشىلىگىن تىلگە تيەك ەتىپ جاتىر. جينالعاندار اراسىندا اەس سالۋدى قولدايتىن ۇران جازىلعان قاعازدار ۇستاعان. 

"جاقىنا ەلىمىزدە اەس سالۋ بويىنشا رەفەرەندۋم ۇيىمداستىرىلادى. سوندىقتان دا بۇگىنگى جاريا تالقىلاۋدا حالىقتى الاڭداتقان سۇراقتار تۋرالى تالقىلانىپ جاتىر.  بۇگىنگى قوعامدىق كەڭەستە اەس تۋرالى ءتۇرلى پىكىرلەر ايتىلدى. فۋكۋسيماداعى جانە چەرنوبىل بولعان اپات تا ەسكەرتىلدى. ءبىراق وسى جاعداي بولعانىمەن جاپوندىقتار مەن رەسەيلىكتەر اەس سالۋدان باس تارتقان جوق. قازىرگى تاڭدا ەكى ەلدە دە اەس كەمىندە 30% ەنەرگەتيكالىق تۇراقتىلىقتى ساقتاپ وتىر. سونىمەن قاتار كۇنى كەشە  پاريج قالاسىندا وليمپيادا ءوتتى. ال فرانسيا 70% ەنەرگەتيكالىق تۇراقتىلىقپەن اەس قامتاماسىز ەتىپ وتىر" – دەدى سپيكەرلەردىڭ ءبىرى ەلنۇر بەيسەنبايەۆ.

ايتا كەتەيىك، جاريا تالقى وسىعان دەيىن قازاقستاننىڭ 19 قالاسىندا وتكەن.