امەريكالىق بيزنەسمەن ەدگار برونفمان Paramount پەن Skydance كومپانيالارى اراسىندا  جاسالعان بىرىگۋ تۋرالى كەلىسىمنىڭ كۇشىن جويىپ، كومپانيانى ءوز باقىلاۋىنا الۋ ءۇشىن 5،5 ميلليارد دوللار ۇسىنعان. ونى باسقا دا بەدەلدى كاسىپكەرلەر قولداپ، ءوز ۇسىنىستارىن ورتاعا سالدى. ولاردىڭ اراسىندا ءنۇرالى الييەۆ، BC Partners Credit جەكە ينۆەستيسيالىق توبى، پروديۋسەر ستيۆەن پول مەن كريپتوكاسىپكەر بروك پيرس تە بار. بۇل تۋرالى Financial Times باسىلىمى حابارلادى.

شىلدەنىڭ باسىندا Paramount Global مەن Skydance Media كومپانيالارى بىرىگەتىنى تۋرالى اقپارات تاراعان. برونفمان Paramount كومپانياسىن بىرىگۋ تۋرالى كەلىسىمشارتتان باس تارتقىزۋ ءۇشىن بارىن سالعان. باستاپقىدا 4،3 ملرد دوللار ۇسىنىپ، سوما الييەۆ، پول، پيرستاردىڭ قولداۋىنان كەيىن ۇلعايتىلعان.

ايتا كەتەيىك، ءنۇرالى الييەۆ – قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ جيەنى، داريعا نازاربايەۆانىڭ ۇلى. ول Forbes.kz نۇسقاسى بويىنشا قازاقستانداعى ەڭ باي بيزنەسمەندەر تىزىمىندە 41-ورىندا. ونىڭ بايلىعى 220 ملن دوللارعا باعالانادى. نازاربايەۆتىڭ جيەنى "ترانستەلەكوم"، Capital Holding جانە Darmen Holding كومپانيالارىنىڭ نەگىزگى اكسيالارىنا يە. سونداي-اق ونىڭ دۋبايدا Donatello Hotels and Resorts، الماتىدا Donatello بۋتيك-قوناق ءۇيى جانە الماتى مەن استانادا بىرنەشە مەيرامحاناسى بار.