2024 جىلعى 20 شىلدەدە قاراعاندى قالاسىندا ورنالاسقان «YDD Corporation» ج ش س فەرروقورىتپا زاۋىتىنداعى ادام شىعىنى ورىن العان توپتىق جازاتايىم وقيعانى تەرگەۋ ءۇشىن قۇرىلعان ارنايى كوميسسيا وقيعانىڭ ءمان-جايىن زەردەلەپ، نەگىزگى كىنا جۇمىس بەرۋشىدە ەكەنىن انىقتادى. كوميسسيا مۇشەلەرى تەحنيكالىق قۇجاتتامانى، وقيعا بولعان جەردى تەكسەرۋ ناتيجەلەرىن، كۋاگەرلەردىڭ ساۋالنامالارىن، ساراپتاما ۇيىمىنىڭ قورىتىندىسىن، نورماتيۆتىك قۇجاتتار مەن باسقا دا ماتەريالداردى زەردەلەگەننەن كەيىن وسىنداي قورىتىندىعا كەلدى. كاسىپورىندا تراۆماتيكالىق فاكتورلاردىڭ اسەرىن بولدىرماۋ ءۇشىن شۇعىل شارالار ءتيىستى دارەجەدە قابىلدانباعانى، ءقاۋىپسىز ەڭبەك جاعدايلارى مەن قىزمەتكەرلەردىڭ ەرەجەلەردى، نۇسقاۋلىقتاردى جانە تەحنولوگيالىق ءتارتىپتى ساقتاۋىن باقىلاۋ ەلەمەنتتەرى ءتيىستى دارەجەدە جاسالماعانى انىقتالدى، - دەلىنگەن حابارلامادا.

كوميسسيا مۇشەلەرى زارداپ شەككەندەرمەن جانە زارداپ شەككەندەردىڭ وتباسى مۇشەلەرىمەن كەزدەستى، ولارعا قولدانىستاعى زاڭناماعا سايكەس ولاردىڭ الەۋمەتتىك قورعاۋعا زاڭدى قۇقىقتارى ءتۇسىندىرىلدى.

ارنايى كوميسسيانىڭ تەرگەۋ ناتيجەلەرى جانە جينالعان بارلىق ماتەريالدار بولعان جازاتايىم وقيعاعا كىنالى دەپ تانىلعان ادامداردى جاۋاپقا تارتۋ ءۇشىن قۇقىق قورعاۋ ورگاندارىنا بەرىلەتىن بولادى.

سونداي-اق، كوميسسيا «YDD Corporation» ج ش س باسشىلىعىنا جازاتايىم وقيعانىڭ سەبەپتەرىن جويۋ جانە الداعى ۋاقىتتا وسىنداي جاعدايلاردىڭ الدىن الۋ جونىندە شارالار كەشەنىن قابىلداۋعا قاۋلى ەتتى.

جۇمىس بەرۋشىنىڭ اقپاراتىنا سايكەس، جۇمىس بەرۋشىنىڭ مىندەتتەمەلەرىنە قاتىستى ماتەريالدىق سيپاتتاعى بارلىق ماسەلەلەر، سونداي-اق قازا تاپقاندار مەن زارداپ شەككەندەردىڭ جاقىن تۋىستارىنا وزگە دە كومەك كورسەتۋ رەتتەلگەن.

سونىمەن قاتار، جۇمىس بەرۋشى زارداپ شەككەندەردىڭ جاقىن تۋىستارىنا وتەۋسىز ماتەريالدىق كومەك كورسەتتى.