شقو پروكۋراتۋراسى توتەنشە جاعدايلاردىڭ سالدارىن وقشاۋلاۋ جانە جويۋ ءۇشىن جاسالعان مەملەكەتتىك ساتىپ الۋ شارتتارىنان جەمقورلىق دەرەكتەرى انىقتالعانىن حابارلادى.
تالداۋ ناتيجەسىندە 1،4 ملرد تەڭگە سوماسىنا زاڭسىز جاسالعان 78 كەلىسىم-شارت انىقتالعان.
وسى شارتتاردى جاساۋ كەزەڭىندە توتەنشە جاعداي جاريالانباعانى، تيىسىنشە، ءبىر كوزدەن شارتتار جاساسۋعا نەگىز بولماعانى انىقتالدى. اتاپ ايتقاندا، جاو قاردى شىعارۋ، اكىمشىلىك عيماراتتاردى اعىمداعى جوندەۋ، مۇزدان تازارتاتىن رەاگەنتتەر جانە ت.ب. تاۋارلاردى، جۇمىستاردى جانە قىزمەتتەردى ساتىپ الدى. قولدانىستاعى زاڭنامادا كوزدەلمەگەن جاعدايلاردا تىكەلەي شارت جاساسۋ ارقىلى ءبىر كوزدەن الۋ تاسىلىمەن مەملەكەتتىك ساتىپ الۋدى جۇزەگە اسىرعانى ءۇشىن لاۋازىمدى ادامدار اكىمشىلىك جاۋاپكەرشىلىككە تارتىلادى. بۇگىنگى كۇنگە دەيىن شەنەۋنىكتەر 14 ملن تەڭگە كولەمىندە ايىپپۇل تولەدى " دەلىنگەن پروكۋراتۋرا حابارلاماسىندا.
قامشى پورتالى ءساۋىر ايىندا اكىمدىكتەر توتەنشە جاعدايدى پايدالانىپ تاجىريبەسىز كومپانيالارعا ملن-داپ تەندەر بەرىپ جاتقانىن حابارلاعان.
ماقالادا شىعىس قازاقستان وبلىسى التاي اۋدانىنىڭ اكىمدىگى مەن سەمەي قالاسىنىڭ اكىمدىگى تەندەردى الدىن الا اشىق كونكۋرس جاريالاپ وتكىزبەي، جىلدا سۋ تاسيتىن شاقتا، اقپان، ناۋرىز ايلارىنا قاراي "وزدەرىنە ىڭعايلى" كومپانيامەن تىكەلەي ءبىر كوزدەن كەلىسىمشارت جاسايتىنى ايتىلعان.
پىكىر قالدىرۋ