Almaty TV كۇزگى تەلەماۋسىم قارساڭىندا كورەرمەندەرگە جاڭا باعدارلامالار، تەلەشوۋلار مەن تەلەحيكايالار ازىرلەۋمەن قاتار، ديزاينى جەڭىل ءارى كوڭىلگە قونىمدى – الماتى قالاسىنىڭ سيمۆولى سانالاتىن الما تۇرىندەگى «ا» ءارپى مەن «تV» دەگەن قىسقارعان ءسوزى بار جاپىراق بەينەلەنگەن جاڭا لوگوتيپىن تانىستىردى.
جاڭا لوگو – تەلەارنادا 2022 جىلى باستالعان وزگەرىستىڭ جالعاسى. ول كەزدە ءبىرتۇتاس يميدجدىك باعىت-باعدار اياسىندا رەستايلينگ جۇرگىزىلىپ، Almaty TV دامۋىنىڭ جاڭا ساتىسىن: ءداستۇرلى ەفير مەن ينتەرنەت-ورتا ۇيلەسىمىن، سونداي-اق شىعارىلاتىن باعدارلامالاردىڭ ەكولوگيالىق تازالىعىن بەينەلەيتىن ارنا ايدەنتيكاسى قانىق جاسىل تۇسكە اۋىستىرىلعان ەدى.
زامانعا ساي ءتاسىل تەلەارنانىڭ باستى «ءونىمى» – بۇرىنعىدان دا شيراق ءارى اقپاراتتىق سيپاتى باسىم بولا تۇسكەن جاڭالىقتار وندىرىسىندە دە قولدانىلادى. جاڭالىقتار مەن ساراپتامالىق باعدارلامالاردىڭ بەرىلۋ فورماتى تولىعىمەن وزگەردى، ول ءۇشىن حالىقارالىق تاجىريبە نەگىزىندە وزىق تەليەۆيزيالىق قۇرىلعىلار قولدانىلىپ، جاڭا كورسەتۋ ەرەجەلەرى ازىرلەندى.
جالپى، Almaty TV 25 جىلدىعىندا كورەرمەندەرىنە 25 تەلەجوبا، ونىڭ ىشىندە ءوز وندىرىسىنەن شىققان 8 جاڭا تەلەحيكايا ۇسىندى.
بۇدان وزگە، تەلەارنا كومانداسى الماتى قالاسى مەن تۇرعىندارى تۋرالى باعدارلامالار توپتاماسىن: بيزنەس دامۋى تۋرالى «Made in Almaty»، قالانىڭ وتكەنى مەن بولاشاعى جايلى «الماتى كوشەلەرى» باعدارلامالارىن، سونداي-اق قالا بەلسەندىلەرىمەن بىرگە جاسالاتىن «كەرى بايلانىس» جوباسىن شىعارۋدى جوسپارلاپ وتىر. پرەزيدەنت جۇمىسشى ماماندىقتارى دەپ جاريالاعان جىل قارساڭىندا Almaty TV ارناسىندا ءومىرىن قولونەرگە ارناعان الماتىلىقتار تۋرالى «ىزگى قالا تۇرعىندارى» جوباسى جارىققا شىعادى. تەلەارنا ەفيرى سونداي-اق ءار جاستاعى، ءارتۇرلى ۇلت وكىلدەرى مەن كاسىپ يەلەرىنىڭ كوڭىلدى ساتتەرىمەن بەزەندىرىلەدى.
وسىدان ءبىراز ۋاقىت بۇرىن Almaty TV رەسپۋبليكالىق مارتەبە الىپ، رەبرەندينگ جاساپ، باستى ستۋديالىق پاۆيلونىن جاڭارتىپ، كورسەتىلىم تۇجىرىمداماسىن تۇبەگەيلى وزگەرتكەن بولاتىن.
سونىڭ ناتيجەسىندە 2 جىلدا تەلەاۋديتوريا 70% ءوسىپ، سايت قارالىمى 5 ەسەگە – جىلىنا 9-دان 45 ملن قولدانۋشىعا دەيىن كوبەيدى. كوممەرسيالىق كىرىس 2 ەسەگە ءوستى. مەملەكەتتىك تىلدەگى وزىندىك ءوندىرىس ۇلەسى 88%-عا جەتتى.
دەرەككوز: almaty.tv سايتى
پىكىر قالدىرۋ