"قۇرمەتتى قاسىم-جومارت كەمەل ۇلى، سىزگە، قازاقستان ازاماتتارىنىڭ كونستيتۋسيالىق قۇقىقتارىنىڭ كەپىلى رەتىندە، الماتى تۇرعىنى الەكساندر پەكەلنيكتىڭ جۇبايى اناستاسيا جۇگىنىپ وتىر. بۇل ءوتىنىشتى وسىنداي فورماتتا جاساۋعا ءماجبۇرمىن، سەبەبى ماسەلەنىڭ ماڭىزدىلىعى باسقا جول قالدىرمايدى. سىزدەن وسى جاعدايعا نازار اۋدارىپ، ادىلدىكتىڭ ورناۋىنا ىقپال ەتۋىڭىزدى سۇرايمىن. بەلگىلى بولعانداي، وتكەن جىلدىڭ كۇزىندە الماتىداعى حوستەلدە بولعان ءورتتىڭ سالدارىنان 13 ادام قازا تاپتى. بۇل – قايعىلى وقيعا. ءبىز سول ادامداردىڭ وتباسىلارىنا شىن جۇرەكتەن كوڭىل ايتامىز. الايدا بۇل تراگەديا مەنىڭ وتباسىمدى دا اينالىپ وتپەدى. ءبىراق مۇلدەم باسقا قىرىنان. بۇگىندە مەنىڭ كۇيەۋىمدى كىنالى ەتىپ كورسەتۋگە تىرىسىپ جاتىر. وقيعا بولاردان ءبىر جىل بۇرىن كۇيەۋىمنىڭ كومپانياسى ا.ش.86 مەكەنجايىنداعى بوس تۇرعان عيماراتتا ءورت دابىلىن قالپىنا كەلتىرۋمەن اينالىسقان، كەيىن سول جەردە زاڭسىز حوستەل اشىلدى"، – دەپ پەكەلنيك پرەزيدەنت توقايەۆقا جۇگىندى.

ول تەرگەۋدىڭ باسىنان-اق كۇيەۋىنىڭ ىسكە كۋاگەر رەتىندە قاتىسقانىن ءتۇسىندىردى.

"ول ءورت شىققانعا دەيىن بۇل حوستەلدىڭ بار ەكەنىن بىلمەگەنىمەن، تەرگەۋگە بارىنشا كومەك كورسەتتى. الايدا، ماۋسىمنىڭ سوڭىندا ەشقانداي زاڭدى دالەلدەر مەن نەگىزدەرسىز كۇيەۋىمنىڭ كۋاگەر رەتىندەگى مارتەبەسى كۇدىكتىگە اۋىستىرىلدى. ونى ءورت قاۋىپسىزدىگى تالاپتارىن بۇزدى دەپ ايىپتاپ وتىر، الايدا زاڭ بويىنشا بۇل ءۇشىن تىكەلەي جاۋاپتى – حوستەلدىڭ يەسى، ياعني ديرەكتورى. كۇيەۋىم ونىڭ وزىمەن دە، حوستەلمەن دە بايلانىسقا شىقپاعان، ەشقانداي قىزمەت كورسەتپەگەن، ءتىپتى تانىس تا بولماعان. تەرگەۋ بۇل دابىل جۇيەسىنىڭ حوستەلگە سايكەس كەلمەۋىن العا تارتىپ وتىر. زاڭ بويىنشا، عيماراتتا قايتا جوسپارلاۋ جۇرگىزىلگەننەن كەيىن، بۇرىنعى ءورت دابىلى جۇيەسى جارامسىز بولىپ، ونى قولدانۋعا تىيىم سالىنادى، ويتكەنى ءورت دابىلى عيماراتتىڭ فۋنكسيونالدىق ماقساتىنا سايكەس ورناتىلادى. ال كۇيەۋىمنىڭ كومپانياسى جۇمىس ىستەگەن كەزدە بۇل مەكەنجايداعى عيمارات بوس تۇرعان، ەشقانداي فۋنكسيونال بولماعان"، – دەدى ايەل.

ايەلدىڭ ايتۋىنشا، تەرگەۋ ونىڭ كۇيەۋىنىڭ بۇل ىسكە قاتىسى جوقتىعىن كورسەتەتىن بارلىق دالەلدەرگە كوز جۇما قارايدى.

"ءبىزدىڭ بارلىق وتىنىشتەرىمىز بەن شاعىمدارىمىزعا تەرىس جاۋاپ الدىق. ءىس سوتقا جىبەرىلدى. قۇرمەتتى قاسىم-جومارت كەمەل ۇلى، ءبىزدىڭ قيىن جاعدايىمىزعا بەيجاي قاراماۋىڭىزدى سۇرايمىن. مەنىڭ كۇيەۋىم – زاڭعا باعىناتىن ازامات، ول ادال تۇردە ءوز ءىسىن جۇرگىزەدى. ول – پاراساتتى ادام، تاماشا اكە جانە وتباسى ادامى"، – دەدى ايەل.

ونىڭ ايتۋىنشا، تەرگەۋ كۇيەۋىنىڭ بۇل ىسكە قاتىسى جوقتىعى تۋرالى بارلىق دالەلدەرگە كوز جۇما قاراعان.

"حالىققا ارنالعان جولداۋىڭىزدا ءبىزدىڭ قوعامدا زاڭ مەن ءتارتىپ ورناتۋعا ءتيىس ەكەنىن ايتتىڭىز. بۇل – قوعامدىق جانە جەكە قاۋىپسىزدىكتى قامتاماسىز ەتۋدىڭ نەگىزگى شارتتارى. بىزگە ادىلەتتىلىككە قول جەتكىزۋگە كومەكتەسىڭىز، ادامداردىڭ قازا تابۋىنا شىن مانىندە كىنالىلەر جاۋاپقا تارتىلسىن. ءبىز ادال جانە ءادىل قازاقستاندا ءومىر سۇرگىمىز كەلەدى"، – دەپ قورىتىندىلادى پەكەلنيك.