اۆەرشيننىڭ ايتۋىنشا، سوڭعى ءتورت جىلدا ءارتۇرلى كۇشتىك ۆەدومستۆولاردا 86 سۋيسيد بولعان. ياعني ولاردىڭ ىشىنە قورعانىس مينيسترلىگى، ءىىم ۇلتتىق ۇلانى، ۇقك شەكارا قىزمەتى، مەملەكەتتىك كۇزەت قىزمەتى، توتەنشە جاعدايلار مينيسترلىگىكتەرى كىرەدى.
سونىمەن قاتار مامان ءتورت جىل ىشىندە قارۋلى كۇشتەردە 40 سۋيسيد فاكتىسى تىركەلگەنىن جەتكىزدى. ونىڭ ىشىندە:
- 2021 جىلى - 10؛
- 2022 جىلى - 7؛
- 2023 جىلى - 12؛
- 2024 جىلى – 11 فاكت بولعان.
ساناتتار بويىنشا:
- وفيسەرلەر اراسىندا بولعان سۋيسيد سانى – 7؛
- كەلىسىمشارت بويىنشا اسكەري قىزمەتكەرلەر اراسىندا – 22؛
- كۋرسانتتار (كادەتتەر) اراسىندا – 4؛
- مەرزىمدى قىزمەت ساربازدارى اراسىندا – 7.
“34 فاكت بويىنشا سوتقا دەيىنگى تەرگەپ-تەكسەرۋ اياقتالدى جانە تۇپكىلىكتى پروسەستىك شەشىمدەر قابىلداندى. ولاردىڭ ەشقايسىسىندا وز-وزىنە قول جۇمساۋعا يتەرمەلەۋ بەلگىلەرى انىقتالعان جوق"، - دەدى ول.
ماجىلىسمەن اتالعان قىلمىستىق ىستەر بويىنشا ءىس جۇرگىزۋ قىلمىستىق قۇقىقبۇزۋشىلىق قۇرامىنىڭ بولماۋىنا بايلانىستى توقتاتىلعانىن جەتكىزدى. قابىلدانعان ءىس جۇرگىزۋ شەشىمدەرى پروكۋراتۋرامەن زاڭدى دەپ كەلىسىلگەن.
"التى فاكت بويىنشا سوتقا دەيىنگى تەرگەۋ جالعاسۋدا. تەرگەۋ ناتيجەلەرى بويىنشا ناقتى سەبەپتەر مەن جاعدايلار انىقتالادى. قىلمىستىق ءىس جۇرگىزۋ زاڭناماسىنىڭ تالاپتارىنا سايكەس، سوتقا دەيىنگى تەرگەۋدى ءىىم اسكەري-تەرگەۋ ورگاندارى جۇرگىزەدى. تەرگەۋ بارىسىن باس اسكەري پروكۋراتۋرا قاداعالايدى. قورعانىس مينيسترلىگىنىڭ تەرگەۋ بارىسىنا ارالاسۋعا نەمەسە ىقپال ەتۋگە قۇقىعى جوق"، - دەدى اۆەرشين.
دەپۋتات قورعانىس ۆەدومستۆوسى ءسۋيسيدتىڭ ءاربىر فاكتىسى بويىنشا قىزمەتتىك تەكسەرۋ جۇرگىزەتىنىن، وقيعالاردىڭ سەبەپتەرى مەن ءمان-جايلارىن، ولارعا ىقپال ەتكەن كەمشىلىكتەر مەن ولقىلىقتاردى انىقتايتىنىن، جۇمىستىڭ تيىمدىلىگىن جاقسارتۋ جانە ارتتىرۋ جونىندە ۇسىنىستار ەنگىزەتىنىن، سونداي-اق كىنالىلەرگە قاتىستى شارالار قابىلدايتىنىن ايتتى.
"جۇرگىزىلگەن قىزمەتتىك تەرگەۋ ناتيجەلەرى بويىنشا 180 ادامعا قاتىستى تارتىپتىك ىقپال ەتۋ شارالارى قابىلداندى. 11 ادام اتقاراتىن لاۋازىمدارىنان بوساتىلدى. ەكەۋى اسكەري اتاعىنان ءبىر ساتىعا تومەندەتىلدى جانە 167 اسكەري قىزمەتكەر ءارتۇرلى تارتىپتىك جاۋاپكەرشىلىككە تارتىلدى (ەسكەرتۋ، سوگىس، قاتاڭ سوگىس، اتقاراتىن لاۋازىمىنا تولىق ەمەس قىزمەتتىك سايكەستىك)"، - دەپ قوستى دەپۋتات.
پىكىر قالدىرۋ