6 قازان كۇنى قاراعاندى وبلىسىنداعى قارقارالى اۋماعىنان جانە پاۆلودار وبلىسىنىڭ باياناۋىل ۇلتتىق پاركىنىڭ شەكارا ايماعىنان ءورت شىقتتى. ورتكە قارسى جۇمىلدىرىلعان كۇشتەر مەن قۇرالداردى ۇيلەستىرۋ ماقساتىندا مينيسترلىكتىڭ جەدەل شتابى ىسكە قوسىلدى. سونىمەن قاتار پاۆلودار وبلىسىنىڭ جەلتاۋ اۋىلىندا دالالىق جەدەل شتاب قۇرىلىپ، جۇمىس ىستەپ جاتىر. ءورتتى جويۋ جۇمىستارىن ۆيسە-مينيستر جۇزەگە اسىرۋدا. مينيسترلىكتىڭ كۇشتەرى مەن قۇرالدارىن دەرەۋ باعىتتاپ، قوسىمشا اباي، اقمولا جانە استانا قۇرىلىمدارىنىڭ كۇشتەرى وقيعا ورنىنا باردى، - دەدى ءارىنوۆ.

مينيستر وڭىرلەردەگى ورتكە قارسى قورعانىس مينيسترلىگى مەن ۇلتتىق ۇلاننىڭ ۇشاقتارى تارتىلعانىن ايتادى.

- پاۆلودار وبلىسى، جەلتاۋ اۋىلىنىڭ 18 تۇرعىنى كورشى اۋىلداعى پۋنككە ەۆاكۋاسيالاندى. قازىرگى تاڭدا پاۆلودار وبلىسىنداعى ءورتى تولىقتاي لوكاليزاسيالانىپ، كۇشتەردىڭ باقىلاۋىندا. قاراعاندى وبلىسىندا دا سونداي ناتيجەگە جەتەمىز دەگەن ويدامىز. ونىمەن قوسا، تۇندە رەسەي جاعىنان قوستاناي وبلىسى ءجىتىقارا اۋدانىنا 500 گەكتار كولەمىندەي ءورت شارپىدى. ءورت دەر كەزىندە جويىلدى. قازىرگى جاعداي تۇراقتى، - دەدى توتەنشە جاعدايلار ءمينيسترى.