2021 جىلدىڭ ماۋسىمىندا تالعارداعى ەر ادامدى توپپەن ۇرىپ-سوعىپ جاتقانى تۋرالى ۆيدەو تارادى. سيپاتتامادا ءجابىر كورگەن ەر ادامنىڭ ەرەجەسىز جەكپە-جەك جاتتىقتىرۋشىسى ارمان ءالىموۆ ەكەندىگى اتاپ ءوتىلدى.
جابىرلەنۋشىنىڭ تۋىستارىنىڭ ايتۋىنشا، الدىمەن ونى ءبىر توپ ادام ونەركاسىپتىك كومبينات اۋدانىنداعى "ۆيكتوريا" مينيماركەتىنىڭ الدىندا ۇرىپ-سوققان. كەيىن كەڭدالا كەنتىنىڭ ماڭىنداعى كانالعا اپارىپ، ەس-تۇسسىز ەكەنىنە قاراماستان تاعى ۇرعان. ودان ءارى اۋىر جاعدايدا تالعار ورتالىق اۋرۋحاناسىنىڭ جانساقتاۋ بولىمىنە تۇسكەن. كەيىن وعان تاعى قىسىم كورسەتپەۋ ءۇشىن ونى الماتى مەديسينالىق مەكەمەسىنە اۋىستىرعان.
وسى جايتقا بايلانىستى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىمەن سوتتالعان بەس كۇدىكتى ۇستالدى. بۇگىندە ولار باس بوستاندىعىنان ايىرۋ ورىندارىندا جازاسىن وتەۋدى جالعاستىرۋدا.
ەسكە سالساق، "حۋتور" بانداسىنىڭ جەتەكشىسى دەگەن حاسەن قاسىمبايەۆ ۇستالعانى تۋرالى حابارلاعان ەدىك. تالعارداعى 16 جاستاعى شەرزاتتىڭ ولىمىنە كىنالى "حۋتور" بانداسىنىڭ قاتىسى بار دەگەن اقپارات تاراعان ەدى. الايدا حاسان قاسىمبايەۆ ءوزىنىڭ بۇل ىسكە قاتىسى جوق ەكەنىن ايتىپ، ۇندەۋ جاسادى.
پىكىر قالدىرۋ