بۇگىنگى تاڭدا ءبىزدىڭ قوعامدا بىرنەشە سۇراق تالقىلانىپ جاتىر. بۇل - زەينەت جاسىن كۇتپەي، زەينەتكە ەرتە شىعۋ. بۇل سۇراق انالارىمىز، كوپبالالى انالارىمىز، مۇگەدەكتىگى بار بالالاردى تاربيەلەپ وتىرعان انالارىمىز ءۇشىن وتە ماڭىزدى. بۇل كىسىلەر دە ەرتە زەينەتكە شىعۋ ماسەلەسىن كوتەرىپ وتىر. سونداي-اق مينيسترلىكتىڭ الدىنا زياندى جاعدايدا جۇمىس ىستەيتىن ازاماتتاردى 50-55 جاستان زەينەتكە شىعارۋ ماسەلەسى دە قويىلىپ وتىر، - دەدى مينيستر.

سونداي-اق ول:

- مىسالى، زەينەت جاسىنا كەلسە دە، زەينەتكە شىقپاي، جۇمىسىن ءارى قاراي جالعاستىرعان ازاماتتارعا زەينەتاقىسىن تولەمەي، ونى بيۋدجەتتە قالدىرۋ. ال زەينەت جاسىنا جەتپەي، زەينەتكە شىققىسى كەلەتىن ازاماتتارعا بيۋدجەتتەگى سول قارجىنى تولەۋ قاراستىرىلىپ وتىر، - دەدى سۆەتلانا جاقىپوۆا.

بۇل جەردە زەينەتكە ەرتە شىققىسى كەلەتىن ازاماتتاردىڭ ەڭبەك ءوتىلى 25 جىلدان كەم بولماۋى كەرەك. ياعني وسى ۋاقىت بويى زەينەت جارنالارىنىڭ اۋدارىمى بولۋى قاجەت. مىسالى، ازامات 20 جاسىنان باستاپ جۇمىس ىستەسە جانە ءتيىستى جارنالارى ۋاقىتىلى اۋدارىلىپ وتىرسا، وندا ول 45 جاسىندا ەرتە زەينەتكە شىعا الادى.

بۇل ۇسىنىستار ءالى قابىلدانباعانىن، مۇنى ءقازىر مينيسترلىك ءتيىستى ورگاندارمەن بىرلەسە قاراپ جاتقانىن ەسكە سالا كەتەيىك.