اباي وبلىسى كولىك ينفراقۇرىلىمىن، سونىڭ ىشىندە اۋە، اۆتوموبيل جانە تەمىرجول تاسىمالدارىن بەلسەندى دامىتۋدا. بۇل وڭىرلەر اراسىنداعى بايلانىستى جاقسارتىپ، تۋريزم مەن ەكونوميكانى وركەندەتۋگە ىقپال ەتەدى. وڭىردە ەكى اۋەجاي جۇمىس ىستەيدى. سەمەي مەن ءۇرجارداعى اۋەجايلار جولاۋشىلاردى تاسىمالداۋدا ۇلكەن ماڭىزعا يە.
1983 جىلى سالىنعان سەمەي قالاسىنىڭ اۋەجايى 2016-2018 جىلدارى قايتا جاڭعىرتىلعاننان كەيىن حالىقارالىق ستاندارتتارعا سايكەس كەلەدى. سونىڭ ارقاسىندا زاماناۋي ۇشاقتاردى قابىلداي الادى. بۇگىندە نىسان «Fly Arystan» جانە «يۋجنوە نەبو» اۆياكومپانيالارىنىڭ استانا، الماتى جانە ءۇرجار باعىتتارى بويىنشا رەيستەرىنە قىزمەت كورسەتەدى.
2025 جىلدىڭ ناۋرىز ايىنان باستاپ جولاۋشىلار ءۇشىن تۋريستىك ماۋسىم قارساڭىندا ۇشاقتاردىڭ ۇشۋ جيىلىگىن ارتتىرۋ جانە ۇشۋ كەستەسىن جاڭارتۋ جوسپارلانعان. سونداي-اق اۋەجاي تەرمينالىن قايتا جاڭعىرتۋ ءۇشىن جوبالىق-سمەتالىق قۇجاتتاما ازىرلەندى. بۇل وتكىزۋ قابىلەتىن ەداۋىر ارتتىرۋعا جانە جولاۋشىلارعا قولايلى جاعداي تۋدىرۋعا مۇمكىندىك بەرەدى. قازىرگى ۋاقىتتا اۋەجايعا مۇمكىندىگى شەكتەۋلى ازاماتتارعا ارنالعان امبۋلاتوريالىق ليفت جانە جولاۋشىلاردىڭ قولايلىعى ءۇشىن اۆتوبۋس ساتىپ الىندى.
«اباي وبلىسىنىڭ كولىك ينفراقۇرىلىمىن دامىتۋ - ينۆەستيسيا تارتۋعا، جاڭا جۇمىس ورىندارىن قۇرۋعا، ءتۋريزمدى دامىتۋعا باعىتتالعان. رەيستەردىڭ كوبەيۋى، اۋەجايلاردى قايتا جاڭعىرتۋ جانە قىزمەت كورسەتۋ ساپاسىن جاقسارتۋ ايماق تۇرعىندارى مەن قوناقتار ءۇشىن پايدالى. تۋريستىك مارشرۋتتاردى كەڭەيتۋ، اۆيارەيستەردى سۋبسيديالاۋ جانە ينفراقۇرىلىم نىساندارىن جاڭعىرتۋ ءوڭىردىڭ تۇراقتى دامۋىن جانە ونىڭ جالپىۇلتتىق كولىك جەلىسىنە كىرىگۋىن قامتاماسىز ەتەدى»، - دەيدى اباي وبلىسى اكىمىنىڭ ورىنباسارى ديميتريي گاريكوۆ.
1978 جىلدان بەرى جۇمىس ىستەپ كەلە جاتقان ءۇرجار اۋىلىنىڭ اۋەجايى دا وبلىس ءۇشىن ماڭىزدى كولىك تورابى بولىپ تابىلادى. ۇشۋ-قونۋ جولاعى، جارىق-سيگنالدىق جابدىق جانە بەينەباقىلاۋ جۇيەلەرىن قايتا جاڭعىرتۋ سىندى ەكى ءىرى جوبادان كەيىن اۋەجاي سىيىمدىلىعى 100 جولاۋشىعا دەيىنگى زاماناۋي اۋە كەمەلەرىن قابىلداي الادى. 2024 جىلى جولاۋشىلار تەرمينالىن قايتا جاڭعىرتۋ ءۇشىن جوبالىق-سمەتالىق قۇجاتتاما ازىرلەندى. جوبانى ىسكە اسىرۋ جولاۋشىلارعا قىزمەت كورسەتۋدى جاقسارتادى. ءقازىردىڭ وزىندە تەرمينال ساعاتىنا 80-100 ادامعا دەيىن قىزمەت كورسەتەدى. ال ەسەپتىك وتكىزۋ قابىلەتى 35 ادام.
جازعى تۋريستىك ماۋسىمدا، 2025 جىلعى 1 ماۋسىم مەن 31 تامىز ارالىعىندا «Scat» اۋەكومپانياسى «ءاستانا-ۇرجار – استانا» جانە «الماتى – ءۇرجار – الماتى»باعىتتارى بويىنشا Bombardier CRJ – 200 اۋە كەمەسى ارقىلى رەيستەردى ورىنداۋدى جوسپارلاپ وتىر.
بۇدان باسقا، «يۋجنوە نەبو» اۋەكومپانياسى «سەمەي – ءۇرجار – سەمەي» باعىتتارى بويىنشا رەيستەردى تۇراقتى نەگىزدە جۇزەگە اسىرادى.
