استانا پروكۋراتۋراسى LRT ءىسى بويىنشا سوت اكتىلەرىنىڭ ورىندالۋىنا تالداۋ جۇرگىزىپ، مەملەكەت پايداسىنا قۇنى 920 ميلليون تەڭگەلىك اكتيۆتەر قايتارىلدى.
پروكۋراتۋرانىڭ مالىمەتىنە سەنسەك، "City Transportation Systems" ءجشس-نىڭ (بۇرىنعى "Astana LRT" كومپانياسىنىڭ) مەملەكەت، سونىڭ ىشىندە استانا قالاسىنىڭ اكىمدىگى تاراپىنان جالعىز قۇرىلتايشى رەتىندە پايداسىنا قاتىستى سوت اكتىلەرىنىڭ ورىندالۋىنا تالداۋ جۇرگىزدى. قاداعالاۋ شارالارى ناتيجەسىندە بورىشكەرلەر مەملەكەت بالانسىنا 40 جىلجىمايتىن مۇلىك بەردى، cونىڭ ىشىندە:
39 تۇرعىن ەمەس ءۇي-جاي؛
اۋدانى 12،8 گا تەمىر جولدارى بار اسفالت-بەتون زاۋىتىنىڭ قىزمەت كورسەتۋ ماقساتىنداعى جەر ۋچاسكەسى بار.
قايتارىلعان اكتيۆتەردىڭ جالپى قۇنى 920 ميلليون تەڭگە بولدى. سونىمەن قاتار مەملەكەتتىڭ پايداسىنا قۇنى 615 ميلليون تەڭگە تۇراتىن تاعى 37 مۇلىك ءوندىرىلىپ جاتىر. بۇل باعىتتاعى جۇمىستار جالعاسىپ جاتىر.
