زاڭناماعا سايكەس ەڭبەك شارتتارى قىزمەتكەر زەينەتكەرلىك جاسقا تولعاننان كەيىن، قىزمەتكەردى كەمىندە ءبىر اي بۇرىن حاباردار ەتە وتىرىپ، ءبىر لاۋازىمدىق جالاقى مولشەرىندە وتەماقى تولەۋمەن بۇزىلادى. وبلىس اۋداندارىنىڭ ءبىلىم بولىمدەرى ۇجىمدىق شارتتا كورسەتىلگەن ءبىر لاۋازىمدىق جالاقى (تاريفتىك مولشەرلەمە) مولشەرىندە وتەماقى تولەمەيتىنى انىقتالدى.

— شالقار اۋدانىنىڭ ءبىلىم ءبولىمى 116 قىزمەتكەرگە جالپى سوماسى 12 ملن تەڭگەدەن اساتىن ءبىر لاۋازىمدىق جالاقى مولشەرىندە وتەماقى تولەمەگەن. وسىنداي بۇزۋشىلىقتار مارتوك، العا، ايتەكەبي جانە مۇعالجار اۋداندارىندا دا انىقتالدى. پروكۋرورلىق قاداعالاۋ اكتىسى بويىنشا 300-دەن استام قىزمەتكەردىڭ كونستيتۋسيالىق قۇقىقتارى قالپىنا كەلتىرىلدى، جالپى سوماسى 20 ملن تەڭگەدەن استام وتەماقى تولەندى. بۇزۋشىلىققا جول بەرگەن لاۋازىمدى تۇلعالار قاتاڭ تارتىپتىك جاۋاپكەرشىلىككە تارتىلدى، — دەپ حابارلادى وبلىستىق پروكۋراتۋرادان.

بۇعان دەيىن حابارلانعانداي اقتوبەدە تۇرمەدە دارىگەرلەرگە نەگىزسىز تولەمدەر جاسالعانىن انىقتالعان ەدى.