بەلگىلى يسلامتانۋشى مۇحيددين يسا ۇلى نەكەنىڭ شاريعاتتاعى شارتتارىن ءتۇسىندىرىپ، قوعامدا ءجيى كەزدەسەتىن قاتەلىكتەرگە توقتالدى.
شاريعات بويىنشا نەكەنى مەشىتتە قيۋ – مىندەتتى ەمەس. ەكى ادام كۋالىك ەتسە، نەكە قيىلا بەرەدى. ءبىراق ءبىز زايىرلى ەلدە، قوعام بولىپ ءومىر ءسۇرىپ جاتقاندىقتان، ءمۇفتياتتىڭ بەكىتكەن ءتارتىبى بار. ياعني مەشىتتە نەكە قيۋ ءۇشىن زاڭدى تۇردە تىركەلگەن نەكە كۋالىگى بولۋى كەرەك جانە اتا-اناسىنىڭ كەلىسىمى قاجەت، – دەيدى تەولوگ.
ونىڭ ايتۋىنشا، مەملەكەتتىك تىركەۋسىز قيىلعان مەشىت نەكەسىنىڭ شاريعات بويىنشا كۇشى بار، ءبىراق بۇل زاڭ جۇزىندە وتباسى دەپ تانىلماۋى مۇمكىن.
نەكە – جاي عانا قول قويۋ ەمەس. ونىڭ شارتتارى بار: ەكى جاقتىڭ كەلىسىمى، كۋاگەرلەردىڭ بولۋى. ال بىزدە كەيبىر اعىمعا ەرىپ كەتكەن ازاماتتار مەشىتكە بارماي-اق، بىرەۋدى نەكەلەپ جاتادى. كەيىن ايىرىلىسىپ كەتەدى. بۇعان سەبەپ – رەتسىز، جاۋاپسىز قادامدار، - دەدى يسا ۇلى.
يسا ۇلى "ازاماتتىق نەكە" جەلەۋ ەكەنىن ايتادى.
ياعني ەكى جاس "بىرگە تۇرىپ كورەمىز" دەيدى. ءبىراق بۇل وتباسىلىق ومىرگە سوققى. كەيىن سالدارى اۋىر بولادى. مەنىڭ ويىمشا، مەملەكەت وسىنداي زاڭسىز نەكەگە تىيىم سالۋى كەرەك سياقتى...، - دەدى ول.
وسىعان دەيىن بەلگىلى يسلامتانۋشى، تەولوگ مۇحيددين يسا ۇلى ەلىمىزدەگى اجىراسۋ دەڭگەيىنىڭ ارتۋىن ۇلكەن تراگەديا دەپ اتاعان ەدى.
