فورۋمدا قازاقستان، وزبەكستان، قىرعىزستان، ازەربايجان، تاجىكستان، تۇرىكمەنستان، ۇلىبريتانيا، جۇڭگو، كاتار، رەسەي جانە باسقا دا ەلدەردىڭ مەديا سالاسىنىڭ جەتەكشىلەرى مەن ساراپشىلارى باس قوسادى.

⏺ەكى كۇن بويى وتەتىن پانەلدىك سەسسيالاردا ورتالىق ازيا مەملەكەتتەرىنىڭ باق-تارى ءۇشىن جاڭا دامۋ مۇمكىندىكتەرى مەن ىنتىماقتاستىق ماسەلەلەرى، جاھاندىق مەديانىڭ دامۋى، بولاشاقتىڭ اقپاراتتىق كەڭىستىگىن قالىپتاستىرۋ، جاساندى ينتەللەكت پەن كوپ دەرەكتەر كەزەڭىندەگى مەديانىڭ سيفرلىق ترانسفورماسياسى، سونداي-اق ەل ءيميدجىن قالىپتاستىرۋداعى الەۋمەتتىك جەلىلەردىڭ ءرولى تالقىلانادى.

مەديافورۋمعا 500-دەن استام قاتىسۋشى (وتاندىق جانە شەتەلدىك ب ا ق باسشىلارى، ورتالىق جانە جەرگىلىكتى اتقارۋشى ورگانداردىڭ باسپا ءسوز قىزمەتى وكىلدەرى، جوو ستۋدەنتتەرى، ينفليۋەنسەرلەر، مەديا ساراپشىلار جانە ت.ب.) كەلەدى. ولارعا ارناپ Euronews، CNN، ياندەكس جانە باسقا دا جەتەكشى ۇيىمدار ماماندارى شەبەرلىك ساباقتارىن وتكىزەدى.

سونىمەن قاتار مەديافورۋم اياسىندا ورتالىق ازيا ەلدەرى اقپارات مينيسترلەرىنىڭ (ۋاكىلەتتى تۇلعالارىنىڭ) كەزدەسۋى جوسپارلانعان.

مەديافورۋمعا قاتىسۋ ءۇشىن https://camf.kz/ سايتىنا كىرىپ، تىركەۋدەن ءوتۋ قاجەت.

ℹ️ق ر مادەنيەت جانە اقپارات مينيسترلىگىنىڭ باسپا ءسوز قىزمەتى