وقيعا 21 ءساۋىر كۇنى كەشكى ساعات 20:30 شاماسىندا قالالىق اكىمدىك عيماراتىنىڭ جانىندا بولعان. شەنەۋنىك بىرنەشە جەرىنەن جارالانىپ، جەدەل تۇردە اۋرۋحاناعا جەتكىزىلدى. ءقازىر ول وپەراسيا ۇستىندە جاتىر.

پوليسيا دەرەگىنشە، بەردەنوۆكە «سايگا-12» ماركالى قارۋدان ءۇش رەت وق اتىلعان، ونىڭ ەكەۋى دەنەسىنە تيگەن. ومىرىنە ءقاۋىپ توندىرمەيتىن جاراقات العانى حابارلانىپ وتىر.

Respublica پارتياسىنىڭ مۇشەسى بەيبىت الىبەكوۆ بەردەنوۆتىڭ جاعدايى تۋرالى جازدى.

«دوستار، ارىپتەستەر، رۋسلان بەردەنوۆ ءتىرى. ءقازىر وپەراسيا ۇستىندە. ءۇش رەت وق اتىلدى، ەكەۋى دەنەسىنە ءتيدى. ومىرلىك ماڭىزدى اعزالارى زاقىمدانباعان».

شىمكەنت قالالىق پوليسيا دەپارتامەنتى بۇل اقپاراتتى راستادى.

«21 ساۋىردە شىمكەنت قالاسى اكىمدىگى عيماراتىنىڭ جانىندا اتىس قارۋى قولدانىلعان قىلمىستىق وقيعا تىركەلدى. ناتيجەسىندە اكىمدىك قىزمەتكەرى جاراقات الىپ، مەديسينالىق مەكەمەگە جاتقىزىلدى. قاجەتتى مەديسينالىق كومەك تولىق كولەمدە كورسەتىلۋدە. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. اتالعان فاكت بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر»، – دەپ حابارلادى ۆەدومستۆو.