بۇل تۋرالى اقوردانىڭ رەسمي سايتى مالىمدەدى.

مەملەكەت باسشىسىنىڭ وكىمىمەن عۇمار ەكپىن ۇلى سەرعازين قازاقستان رەسپۋبليكاسىنىڭ اتوم ەنەرگياسى جونىندەگى اگەنتتىگى ءتوراعاسىنىڭ ورىنباسارى لاۋازىمىنا تاعايىندالدى، - دەلىنگەن حابارلامادا.

سەرعازين عۇمار ەكپىن ۇلى

لاۋازىمى:

ق ر ەنەرگەتيكا مينيسترلىگى اتوم ەنەرگەتيكاسى جانە ونەركاسىبى دەپارتامەنتىنىڭ ديرەكتورى.

ءبىلىمى:

- قازاق-امەريكا ۋنيۆەرسيتەتى، ماماندىعى – زاڭگەر، (2008 ج.)؛

- قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى، مەملەكەتتىك جانە جەرگىلىكتى باسقارۋ ماگيسترى، (2013 ج.)؛

- اەحا يادرولىق قۇقىق ينستيتۋتى (اۆستريا) (2015 ج.)؛

- ا.بايتۇرسىنوۆ اتىنداعى قوستاناي مەملەكەتتىك ينستيتۋتى، ماماندىعى "ەلەكتروەنەرگەتيكا (2020ج.)؛

مانسابى:

ەڭبەك ءوتىلىن "استانا قالاسى سارىارقا اۋدانى حالىققا قىزمەت كورسەتۋ ورتالىعى" مم ينسپەكتورى، كەڭەسشىسى، باس ينسپەكتورى، وپەراسيالىق زال باستىعىنىڭ ورىنباسارى (2008-2011 جج.) قىزمەتىنەن باستاعان؛

"بتا بانك" اق زاڭ دەپارتامەنتى قۇقىقتىق قامتاماسىز ەتۋ باسقارماسىنىڭ قۇقىقتىق سۇيەمەلدەۋ ءبولىمىنىڭ زاڭگەرى (زاڭ سەكتورىنىڭ مەڭگەرۋشىسى) (2011 ج.)؛

قازاقستان رەسپۋبليكاسى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى اگەنتتىگى تۇرعىن ۇي-كوممۋنالدىق شارۋاشىلىق دەپارتامەنتىنىڭ تۇرعىن ءۇي قاتىناستارى باسقارماسىنىڭ ساراپشىسى، باس ساراپشىسى (2011-2012 جج.)؛

قازاقستان رەسپۋبليكاسى وڭىرلىك دامۋ مينيسترلىگى تۇرعىن ۇي-كوممۋنالدىق شارۋاشىلىعى دەپارتامەنتىنىڭ تۇرعىن ءۇي قاتىناستارى باسقارماسىنىڭ باس ساراپشىسى (2013-2014 جج.)

قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى مەملەكەتتىك ەنەرگەتيكالىق قاداعالاۋ جانە باقىلاۋ كوميتەتىنىڭ ىشكى اكىمشىلىك ەتۋ باسقارماسىنىڭ باسشىسى، زاڭ باسقارماسىنىڭ باسشىسى (2014 ج.)؛

قازاقستان رەسپۋبليكاسى ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ زاڭ باسقارماسىنىڭ باسشىسى (2014-2016 جج.)؛

قازاقستان رەسپۋبليكاسى ەنەرگەتيكا مينيسترلىگى اقپاراتتىق تەحنولوگيالار جانە مەملەكەتتىك كورسەتىلەتىن قىزمەتتەر دەپارتامەنتى ديرەكتورىنىڭ ورىنباسارى (2016-2017 جج.)؛

قازاقستان رەسپۋبليكاسى ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتى ءتوراعاسىنىڭ ورىنباسارى (2017-2023 ج.)؛

ق ر ەنەرگەتيكا مينيسترلىگى اتوم ەنەرگەتيكاسى جانە ونەركاسىبى دەپارتامەنتىنىڭ ديرەكتورى (2023 ج. ناۋرىزىنان باستاپ).