"ۇلتتىق قور – بالالارعا" باستاماسى اياسىندا 7 ميلليونعا جۋىق بالانىڭ بولاشاعىنا قارجى جينالا باستادى. باعدارلاما رەسمي تۇردە 2024 جىلدىڭ 1 قاڭتارىنان باستاپ ىسكە قوسىلدى. جوباعا سايكەس، 2006 جىلدان كەيىن تۋعان ءاربىر بالاعا ۇلتتىق قوردىڭ ينۆەستيسيالىق تابىسىنان جىل سايىن قاراجات اۋدارىلادى.

قارجى مينيسترلىگىنىڭ دەرەگىنشە، 2023 جىلدىڭ قورىتىندىسى بويىنشا باعدارلاماعا 6 919 131 بالا (2006–2023 جىلدار ارالىعىندا تۋعاندار) قاتىسقان. ولاردىڭ ءارقايسىسىنىڭ شوتىنا 100،52 اقش دوللارى كولەمىندە قارجى ەسەپتەلگەن. جالپى سوما 695،5 ملن دوللاردى قۇرادى.

2024 جىلى سول بالالاردىڭ ىشىنەن 304 815ء-ى 18 جاسقا تولىپ، ولاردىڭ شوتىنا 30،6 ملن دوللار اۋدارىلعان. ال 2025 جىلى قاتىسۋشىلار سانى 6 921 035 بالاعا جەتتى. بيىل 324 430 ءجاسوسپىرىم 18-گە تولادى، ولارعا اۋدارىلاتىن قارجى كولەمى – 129،38 دوللاردان.

ايتا كەتەيىك، بۇل قاراجات بالا 18 جاسقا تولعانعا دەيىن جينالادى جانە كەيىن ونى تۇرعىن ءۇي الۋعا نەمەسە جوعارى ءبىلىم اقىسىن تولەۋگە پايدالانۋعا بولادى.