بۇگىن استانادا «ورتالىق ازيا – جۇڭگو» ەكىنشى ءسامميتى وتەدى. ءىس-شاراعا ورتالىق ازيا ەلدەرىنىڭ مەملەكەت باسشىلارى مەن جۇڭگو حالىق رەسپۋبليكاسىنىڭ ءتوراعاسى سي سزينپين قاتىسادى. سامميت بارىسىندا تاراپتار وڭىرلىك ىنتىماقتاستىقتىڭ قازىرگى احۋالىن جانە ونىڭ بولاشاقتاعى دامۋ پەرسپەكتيۆالارىن تالقىلايدى.
2024 جىلعى 16 ماۋسىمدا قازاقستان پرەزيدەنتى قاسىم-جومارت توقايەۆ جۇڭگو حالىق رەسپۋبليكاسىنىڭ ءتوراعاسى سي ءسزينپيندى استانا اۋەجايىنان ءوزى قارسى الدى. جۇڭگو باسشىسى قازاق جەرىندە كورسەتىلگەن جوعارى دەڭگەيدەگى سىي-قۇرمەت ءۇشىن پرەزيدەنت توقايەۆقا ريزاشىلىعىن ءبىلدىردى.
ساراپشىلاردىڭ پىكىرىنشە، «ورتالىق ازيا – جۇڭگو» فورماتى وڭىرلىك ءوزارا ءىس-قيمىلدىڭ ءتيىمدى قۇرالىنا اينالىپ ۇلگەردى.
ەسكە سالا كەتەيىك، العاشقى «جۇڭگو – ورتالىق ازيا» ءسامميتى 2023 جىلدىڭ مامىر ايىندا قىتايدىڭ سيان قالاسىندا وتكەن بولاتىن. وعان قازاقستان پرەزيدەنتى قاسىم-جومارت توقايەۆ، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون جانە تۇرىكمەنستان پرەزيدەنتى سەردار بەردىمۇحامەدوۆ قاتىسقان ەدى. جيىنعا جۇڭگو حالىق رەسپۋبليكاسىنىڭ ءتوراعاسى سي سزينپين ءتوراعالىق ەتكەن بولاتىن.
