اتىراۋ قالاسىنىڭ بلوگەرى Instagram پاراقشاسىندا مەملەكەت باسشىسى قاسىم-جومارت توقايەۆقا باعىتتالعان بەيادەپ سوزدەر ايتىلعان ۆيدەونى جاريالاعان. بەينەروليكتە ول پرەزيدەنتتى بالاعاتتاپ، "ەل حالقى جەرتولەدە ءومىر ءسۇرىپ جاتىر" دەگەن مالىمدەمە جاساعان. ۆيدەو الەۋمەتتىك جەلىدە قىزۋ پىكىرتالاس تۋدىردى. جەلى قولدانۋشىلارىنىڭ باسىم بولىگى بلوگەردىڭ ارەكەتىن ورىنسىز ءارى دورەكى دەپ باعالادى.

اتالعان فاكتى بويىنشا 12 ماۋسىم كۇنى سوت بلوگەرگە قاتىستى اكىمشىلىك قۇقىق بۇزۋشىلىق تۋرالى كودەكستىڭ 434-بابى 1-بولىگى — "ۇساق بۇزاقىلىق" بابى بويىنشا ءىستى قارادى. ءىس ماتەريالدارىنا سايكەس، بەينەجازبا قوعامدىق ءتارتىپتى بۇزىپ، اينالاداعىلارعا اشىق تۇردە قۇرمەتسىزدىك بىلدىرەدى.

— سوت قۇقىق بۇزۋشىنى كىنالى دەپ تانىدى. سوت وتىرىسى بارىسىندا ول ءوز ارەكەتىنە وكىنىش ءبىلدىرىپ، بۇل جەڭىلدەتەتىن ءمان-جاي رەتىندە ەسكەرىلدى. الايدا قۇقىق بۇزۋشىلىقتىڭ سيپاتى مەن ونىڭ قوعامدىق قاۋىپتىلىك دەڭگەيىن ەسكەرە وتىرىپ، سوت وعان 15 تاۋلىككە اكىمشىلىك قاماۋ جازاسىن تاعايىندادى، — دەپ حابارلادى وبلىستىق سوتتىڭ باسپا ءسوز قىزمەتى.