قازاقستان ءسىم تاياۋ شىعىستاعى جاعدايعا بايلانىستى الاڭداۋشىلىق ءبىلدىردى
قازاقستان رەسپۋبليكاسىنىڭ سىرتقى ىستەر مينيسترلىگى تاياۋ شىعىستاعى احۋالدىڭ ۋشىعۋىنا بايلانىستى رەسمي مالىمدەمە جاسادى. وندا اقش-تىڭ يرانعا قارسى سوڭعى اسكەري ارەكەتتەرىنىڭ سالدارىنان حالىقارالىق جاعدايدىڭ كۇرت ناشارلاعانى جانە بۇل ورتالىق ازيا وڭىرىندەگى مەملەكەتتەردىڭ قاۋىپسىزدىگىنە تىكەلەي قاتەر توندىرەتىنى اتاپ وتىلگەن.
"قازاقستان كاسپيي ماڭى ەلدەرىنىڭ قاتارىندا جانە يرانمەن ءارتۇرلى سالالاردا تىعىز ىنتىماقتاستىق ورناتقان. ءبىزدىڭ ەلىمىز بارلىق كەلىسپەۋشىلىكتەر، سونىڭ ىشىندە يادرولىق ماسەلەلەر تەك بۇۇ جارعىسىنا ساي كەلىسسوزدەر ارقىلى شەشىلۋى ءتيىس دەپ سانايدى"، – دەلىنگەن ءسىم حابارلاماسىندا.
قازاقستان ءسىم بارلىق مۇددەلى تاراپتاردى يادرولىق قارۋدىڭ تارالۋىنا جول بەرمەۋ، سونداي-اق تاراتپاۋ رەجيمىن ساقتايتىن مەملەكەتتەردىڭ قاۋىپسىزدىگىنە حالىقارالىق كەپىلدىكتەر بەرۋ ماقساتىندا جاڭا كەلىسىمدى دايىنداۋعا شاقىردى.
ەسكە سالا كەتەيىك، بۇعان دەيىن اقش پرەزيدەنتى دونالد ترامپ يراننىڭ يادرولىق نىساندارىنا سوققى جاسالعانىن مالىمدەگەن ەدى.
