رەسەي قارۋلى كۇشتەرىندە ءتولقۇجاتسىز اسكەري قىزمەت اتقارۋعا بولاتىن ارنايى زاڭعا قول قويدى. بۇل زاڭ رەسەي ازاماتتىعى جوق شەتەلدىكتەرگە ارنالعان. ولار الدىن الا بەكىتىلگەن كەلىسىمشارت بويىنشا اسكەري قىزمەت ەتە الادى.
رەسەي بيلىگى بيىل ءساۋىر ايىنان باستاپ "اسكەري مىندەت جانە اسكەري قىزمەت تۋرالى" زاڭعا تۇزەتۋلەر جوباسى، سونداي-اق ونىمەن بايلانىستى التى فەدەرالدى زاڭعا كوررەسپوندەنتتىك تۇزەتۋلەر ەنگىزدى. تۇسىندىرمە جازبادا رەسەي فەدەراسياسىنىڭ قارۋلى كۇشتەرىن تولىقتىرۋ ءۇشىن قوسىمشا شارالار رەتىندە وزگەرىستەر قاجەت ەكەندىگى ايتىلعان.
اتالعان باستاما مامىر ايىندا ماقۇلدانىپ، 24 ماۋسىم كۇنى ءۇشىنشى وقىلىمدا زاڭ قابىلداندى.
ينتەرفاكس "بۇل - باستاما كەلىسىمشارت بويىنشا اسكەري قىزمەتكە كىرە الاتىن ادامدار توبىن كەڭەيتۋگە باعىتتالعان"، دەپ جازدى.
