قازاقستاندا قىلمىس جاساعان كۇدىكتى بىرىككەن اراب امىرلىكتەرىنەن قايتارىلدى، - دەپ حابارلايدى باس پروكۋراتۋرا.
باس پروكۋراتۋرا مەن ءىىم قىزمەتكەرلەرى بىرىككەن اراب امىرلىكتەرىندەگى قازاقستان ەلشىلىگىنىڭ كومەگىمەن دۋبايدان بۇزاقىلىق نيەتپەن جابىرلەنۋشىنىڭ دەنساۋلىعىنا ورتاشا اۋىرلىقتاعى زيان كەلتىرگەن كۇدىكتىنى قايتاردى.
"ول 2012 جىلدىڭ 25 ناۋرىزىندا تەمىرتاۋدا بۇزاقىلىق نيەتپەن جابىرلەنۋشىگە سەبەپسىز بىرنەشە رەت دەنە جاراقاتىن سالىپ، ەكى جەرىنەن جاق سۇيەگىن سىندىردى دەگەن كۇدىككە ءىلىندى.
قىلمىس جاساعاننان كەيىن كۇدىكتى قاشىپ كەتىپ، 12 جىلدان كەيىن بىرىككەن اراب امىرلىكتەرىنىڭ اۋماعىندا انىقتالدى"، - دەلىنگەن حابارلامادا.
قازىرگى ۋاقىتتا كۇدىكتى قىلمىستىق جاۋاپتىلىققا تارتۋ ءۇشىن قازاقستان پوليسياسىنا تاپسىرىلعان.
