بەلگىلى جۋرناليست، قازاقستار جازۋشىلار وداعىنىڭ مۇشەسى كاكەن قامزين الاياقتارعا الدانىپ، ءۇيىن ساتىپ جىبەرگەن. الماتى قالاسى اۋەزوۆ اۋداندىق پوليسيا باسقارماسى قىلمىستىق كودەكستىڭ 190-بابى («الاياقتىق») بويىنشا ءىس قوزعادى. بۇل تۋرالى facebook الەۋمەتتىك جەلىسىنە جۋرناليست ايبار ولجايەۆ حابارلادى.
«الاياقتار ارداگەر جۋرناليست، پروفەسسوردىڭ سەنگىشتىگىن پايدالانىپ كينوداگىداي ارەكەت ەتكەن. الدىمەن ەنەرگوسبىت ادامدارى رەتىندە حابارلاسىپ، مەكەن-جايى، جسن، پاتەرى تۋرالى اقپاراتتى ءبىلىپ العان. ارتىنان ۇلتتىك قاۋىپسىزدىك كوميتەتىنىڭ اتىن جامىلىپ حابارلاسىپ، بىرەۋلەردىڭ، ءۇيىن تارتىپ الايىن دەپ تۇرگانىن ايتىپ، تەز ءۇيىن ساتۋگا كوندىرگەن. ال اقشانى ۇلتتىك بانكتىڭ ارنايى شوتىندا ساقتايسىز دەپ الداعان. پروفەسسور نوتاريۋس ارقىلى ءۇيىن ساتىپ، اقشانى الاياقتار جىبەرگەن
كۋرەرگە بەرە سالگان»، دەپ جازىلعان حابارلامادا.
جاڭا پاتەر يەلەرى كۇندىز-تۇنى كەلىپ، پاتەردى بوساتۋدى تالاپ ەتىپ جۇرگەن كورىنەدى. بۇل جاعدايعا الاڭداۋشىلىق بىلدىرگەن قوعام بەلسەندىلەرى ىشكى ىستەر ءمينيسترى ەرجان سادەنوۆتەن ءىستى جەكە باقىلاۋعا الۋدى سۇراۋدا. سونىمەن قاتار، قوعام بەلسەندىلەرى مەن زاڭگەرلەردەن – اسىرەسە بەلگىلى ادۆوكات ابزال قۇسپاننان – قۇقىقتىق كومەك سۇراپ جاتىر.
سونداي-اق جۋرناليستەر كاكەن قامزينگە كومەك رەتىندە سبور اشىلعانىن حابارلادى.
«الاياقتاردى انىقتاپ، اعاي بەرىپ جىبەرگەن اقشاسىن قاشان قايتاراتىنى بەلگىسىز. سوندىقتان سبور اشۋدى ءجون دەپ شەشتىك. قالىڭ قازاق ءجۋرناليسى قايرات قىلىپ، قارت پروفەسسورعا 33 ملن تەڭگە جيناۋ كەرەك بولىپ تۇر»، دەلىنگەن نۇربولات ادىربەكتىڭ پاراقشاسىندا.
ارداگەر جۋرناليست كاكەن قامزينگە كومەكتەسەم دەۋشىلەر بولسا 87072805030 (ەربول ازانبەك) نومىرىنە قاراجات جىبەرسە بولادى.
