قازاقستاندا شىلدە ايىنىڭ العاشقى جەكسەنبىسى — ۇلتتىق دومبىرا كۇنى رەتىندە اتالىپ وتەدى. بيىل بۇل مەرەكە 6 شىلدەگە سايكەس كەلىپ وتىر. دومبىرا كۇنى 2018 جىلى  پرەزيدەنت جارلىعىمەن بەكىتىلگەن.

جىل سايىن ءار وڭىردە دومبىرا كۇنىنە بايلانىستى ءتۇرلى شارالار ۇيىمداستىرىلادى. الايدا ۇلتتىق اسپاپ رەتىندە دومبىرانى ۇشاققا قول جۇگى رەتىندە الۋ مۇمكىن بولماي وتىر. بۇعان قاتىستى قوعام بەلسەندىلەرى ۇنەمى ءوز نارازىلىعىن ءبىلدىرىپ، دومبىرانى ۇشاق سالونىنا ەمىن-ەركىن الىپ كىرۋگە قاتىستى ارنايى زاڭ قابىلدانۋىن ۇسىنۋدا. 

بۇعان دەيىن بۇل ماسەلە ماجىلىستە دە كوتەرىلدى. دەپۋتات رينات زايىتوۆ  ۇلتتىق اسپاپتاردى ۇشاققا كىرگىزۋگە رۇقسات ەتىلۋ كەرەك دەپ ەسەپتەيتىنىن جەتكىزدى. 

"ءقازىر اۋە كومپانيالارىندا قازاقتىڭ ۇلتتىق اسپاپتارىنا قارسى ءبىر ادەيى جوسپارلانعان نارسە سياقتى ءجۇرىپ جاتىر. "ناعىز قازاق – قازاق ەمەس، ناعىز قازاق – دومبىرا" دەپ قادىر مىرزالييەۆ ايتپاقشى، بۇل ءبىزدىڭ مەملەكەتىمىزدىڭ ايناسى. اۋە كومپانيالارىڭىزعا دۇعاي سالەم ايتىڭىز. وسى ماسەلەنى شەشىپ بەرىڭىزدەر. قازاقتىڭ ساۋساققا تولماستاي 4-5 ۇلتتىق اسپابى بار. سول اسپاپتار ۇشاققا كىرگىزۋگە رۇقسات السىن"، دەدى دەپۋتات. 

Qamshy.kz اقپاراتتىق اگەنتتىگى وسىعان قاتىستى وقىرمان اراسىندا ساۋالناما جاساۋدى ءجون كوردى. ال ءسىز قالاي ويلايسىز، دومبىرانى ۇشاق سالونىنا الىپ كىرۋدى زاڭداستىرۋ قاجەت پە؟