پروكۋرور پەريزات قايراتتى 10 جىلعا باس بوستاندىعىنان ايىرۋدى سۇرادى. ال اناسى عايني الاشبايەۆاعا ورتاشا قاۋىپسىزدىك مەكەمەسىندە 8 جىل باس بوستاندىعىنان ايىرۋ جازاسىن تاعايىنداۋدى سۇرادى.
بۇدان بولەك پروكۋرور پەريزات قايراتتىڭ مۇلكىن تاركىلەۋ جانە 10 جىل بويى قايىرىمدىلىق قىزمەتپەن اينالىسۋ قۇقىعىنان ايىرۋ تۇرىندە جازا سۇرادى.
پروكۋرور ارمان كيزيكەننىڭ ايتۋىنشا، ايىپتالۋشىنىڭ كىناسىن جەڭىلدەتەتىن ءمان-جايلار انىقتالماعان، ال اۋىرلاتاتىن جاعداي – قىلمىستىڭ توتەنشە جاعداي كەزىندە جاسالۋى.
ەسكە سالايىق، كەشە پەريزات قايراتقا قاتىستى سوت وتىرىسى جابىق رەجيمدە ءوتتى. سەبەبى ءىس قۇپيا دەرەكتەردى، سونىڭ ىشىندە بانك قۇپياسىن قامتيتىن قۇجاتتاردى قاراستىرۋمەن بايلانىستى بولدى.
