75 جاسىنا قاراعان شاعىندا ۇشقىش-عارىشكەر تاعات مۇسابايەۆ ومىردەن ءوتتى.

مەملەكەت باسشىسى قاسىم-جومارت توقايەۆ ونىڭ جاقىندارى مەن تۋعان-تۋىستارىنا كوڭىل ايتتى.

«تالعات امانگەلدى ۇلى – ءۇش رەت عارىشقا ۇشقان، اشىق عارىشقا شىققان، ەرلىكتەرىمەن ەلىمىزدى الەمگە تانىتقان باتىر. بار عۇمىرىن وتاندىق عارىش سالاسىنىڭ دامۋىنا ارنادى. سەنات دەپۋتاتى جانە قوعام قايراتكەرى رەتىندە دە كوپتەگەن يگى باستامالاردى قولعا الدى. حالقىنىڭ قۇرمەتىنە بولەنگەن تالعات مۇسابايەۆتىڭ جارقىن بەينەسى جۇرەگىمىزدە ماڭگى ساقتالادى»، – دەلىنگەن جەدەلحاتتا.

تالعات مۇسابايەۆ 1951 جىلى 7 قاڭتاردا الماتى وبلىسىنىڭ جامبىل اۋدانىندا دۇنيەگە كەلگەن. ءار جىلدارى قازاقستان ۇلتتىق عارىش اگەنتتىنىڭ ءتوراعاسى، پرەزيدەنت كەڭەسشىسى، پارلامەنت سەناتىنىڭ دەپۋتاتى بولىپ قىزمەت اتقاردى.