8 تامىز كۇنى الماتى قالاسى كوپسالالى كوللەدجىندە، الماتى قالاسى وڭىرلىك كوممۋنيكاسيالار قىزمەتىنىڭ ۇيىمداستىرۋىمەن «قالالىق كوللەدجدەردەگى قۇزىرەتتىلىك ورتالىقتارىنىڭ جۇمىسىن كورسەتۋ» تاقىرىبىندا باسپا ءسوز تۋرى ءوتتى. ءىس-شاراعا قالا كوللەدجدەرىنىڭ وقىتۋشىلارى، ستۋدەنتتەرى، سونداي-اق بۇقارالىق اقپارات قۇرالدارىنىڭ وكىلدەرى قاتىستى. باسپا ءسوز تۋرىنىڭ ماقساتى – تەحنيكالىق جانە كاسىپتىك ءبىلىم بەرۋ ۇيىمدارىنداعى زاماناۋي قۇزىرەتتىلىك ورتالىقتارىنىڭ مۇمكىندىكتەرىن كورسەتۋ، تاجىريبە الماسۋ جانە دۋالدى وقىتۋ جۇيەسىنىڭ تيىمدىلىگىن ناسيحاتتاۋ.

الماتى قالاسى كوپسالالى كوللەدجى – ەلىمىزدەگى ءوز سالاسىندا جەتەكشى جانە بەدەلدى وقۋ ورىندارىنىڭ ءبىرى. كوللەدجدىڭ باستى ەرەكشەلىگى – ستۋدەنتتەر مەن وقىتۋشىلارعا تەك تەوريالىق ءبىلىم بەرىپ قانا قويماي، حالىقارالىق دەڭگەيدە تاجىريبەدەن وتۋگە جاعداي جاساۋى. سوڭعى جىلدارى ءبىلىم الۋشىلار جۇڭگو، گەرمانيا، اقش جانە باسقا دا شەت مەملەكەتتەردەگى وقۋ ورىندارى مەن ءوندىرىس ورىندارىندا ءبىلىمىن جەتىلدىرۋدە. مۇنداي مۇمكىندىكتەر جاستاردىڭ كاسىبي شەبەرلىگىن ارتتىرىپ قانا قويماي، حالىقارالىق ەڭبەك نارىعىندا باسەكەگە قابىلەتتى بولۋىنا ىقپال ەتەدى.

ۆيدەوداعى كەيىپكەرىمىز – شولپان، كولىك قىزمەتى سالاسىندا تمد بويىنشا تانىمال ايەل مامانداردىڭ ءبىرى. بۇل سالادا ايەلدەردىڭ از بولۋىنا قاراماستان، شولپان ءوزىنىڭ ەڭبەگى مەن تاباندىلىعى ارقىلى كاسىبي ورتادا لايىقتى بەدەلگە يە بولعان. ونىڭ ايتۋىنشا، 2023 جىلى ول گەرمانياعا بارىپ، ءۇش اپتا بويى حالىقارالىق ستاندارتتارعا ساي وقىتۋ جانە وندىرىستىك تاجىريبەدەن وتكەن. بۇل ساپار ونىڭ كاسىبي ءبىلىمىن ارتتىرىپ، شەتەلدىك وزىق تەحنولوگيالارمەن تانىسۋىنا مۇمكىندىك بەردى.

الداعى باسپا ءسوز تۋرى بارىسىندا قوناقتار كوللەدجدىڭ وقۋ-وندىرىستىك شەبەرحانالارىن ارالاپ، ستۋدەنتتەردىڭ پراكتيكالىق داعدىلارىن مەڭگەرۋ بارىسىمەن تانىستى. سونىمەن قاتار، قاتىسۋشىلارعا كوللەدجدىڭ حالىقارالىق سەرىكتەستىك باعدارلامالارى مەن تۇلەكتەردىڭ تابىستى ەڭبەك جولدارى تۋرالى اقپارات ۇسىنىلادى.