دجەننيفەر لوپەستىڭ الماتىداعى كونسەرتىنەن كەيىن ەرىكتىلەر مەن جاستار «Taza Qazaqstan» اكسياسى اياسىندا ورتالىق ستاديوندى تازالادى.
الماتىداعى ورتالىق ستاديوندا وتكەن دجەننيفەر لوپەستىڭ اۋقىمدى كونسەرتى ەلىمىزدىڭ تۇكپىر-تۇكپىرىنەن كەلگەن 20 مىڭنان استام كورەرمەن مەن 35-تەن استام ەلدەن كەلگەن قوناقتاردى جينادى. كونسەرت اياقتالىسىمەن ستاديونعا جانە وعان ىرگەلەس اۋماققا ونداعان ەرىكتى مەن جاستار ۇيىمدارىنىڭ وكىلدەرى شىقتى.
قولعاپ كيىپ، قوقىس قاپتارىن ارقالاعان ولار تريبۋنالار مەن وتكەلدەردى، سونداي-اق، اينالاداعى اۋماقتى تەز ارادا تازارتىپ، ستاديون مەن قالا باستاپقىداي تازا بولدى. تازالاۋ ءساتىنىڭ ءوزى دە كونسەرت سەكىلدى كوڭىلدى ءوتتى، كۇلكى، قالجىڭ جانە ورتاق ىسكە ۇلەس قوسقان قۋانىش لەبى سەزىلىپ تۇردى.
ۇيىمداستىرۋشىلاردىڭ ايتۋىنشا، مۇنداي جۇمىس بۇقارالىق مادەني شارالاردى وتكىزۋدىڭ مادەنيەتىنە اينالعان ماڭىزدى بولىك. شوۋ اياقتالعاننان كەيىن دە قالا مەن قوناقتارعا قامقورلىق جالعاسادى. بۇل الماتىنىڭ رەسپۋبليكالىق ەكولوگيالىق «Taza Qazaqstan» اكسياسىنا قوسقان ۇلەسى.
