پولشا «تىڭشى» دەگەن كۇدىكپەن ديپلوماتيالىق مارتەبەسى بار قازاقستان ازاماتىن تۇتقىندادى، دەپ حابارلايدى كازتاگ.
ۇستالعان ديپلومات قازاقستاننىڭ ۋكرايناداعى ەلشىلىگىندە اسكەري اتتاشە (اسكەري ديپلوماتيالىق وكىل –رەد.) كومەكشىسى بولىپ قىزمەت اتقارعان.
پولشانىڭ ىشكى قاۋىپسىزدىك قىزمەتى ۇستالعان ازاماتتىڭ ەلدىڭ قاۋىپسىزدىگىنە نۇقسان كەلتىرەتىن قۇپيا مالىمەتتەردى جيناعانىن حابارلادى. بۇدان بولەك ناتو اليانسىنىڭ اسكەري ينفراقۇرىلىمىنا قاتىستى اقپاراتتاردى استىرتىن جولمەن قولعا تۇسىرمەك بولعان.
1 تامىزدا ۆارشاۆا اۋداندىق سوتى كۇدىكتىگە قاتىستى ءۇش اي مەرزىمگە قاماۋعا الۋ تۇرىندەگى بۇلتارتپاۋ شاراسىن قولداندى. قازاقستان بيلىگى اتالعان جاعدايعا قاتىستى رەسمي مالىمدەمە جاسامادى.
