رەسەي ۋكراينادا ارنايى اسكەري وپەراسيا باستاعالى 3 جىلدان اسا ۋاقىت ءوتتى. وسى ورالىقتا الەمدىك جانە ايماقتىق گەوساياسي جاعداي تۇرلەنىپ، قۇندىلىقتار تولىق جاڭاردى دەۋگە نەگىز بار. اۋمالى-توكپەلى كەزەڭدە جاسىرىن اگەنتتەر مەن ءتۇرلى ساياسي ماقساتتى كوزدەيتىن ۇيىمداردىڭ قىزمەتى دە قىزا تۇسەتىنىن تاريح بەتتەرىندەگى جاعدايلاردان بىلەمىز.

Azattyq TV Youتube ارناسىندا «قازاقستاندا رەسەي اگەنتتەرى قالاي جۇمىس ىستەيدى؟ قۇپيا قۇجاتتارعا شولۋ» دەگەن تاقىرىپپەن 18 مينۋتتىق بەينەماتەريال جاريالاندى. ماتەريالدا قازاقستاندا جۇمىس ىستەيتىن رەسەيلىك اگەنتتەردىڭ باياندامالارى سيپاتىنداعى قۇجاتتار تۋرالى ايتىلىپ، ماتىندەرىنە تالداۋ جاسالادى. 

بەينەماتەريالداعى اقپاراتقا سۇيەنسەك، «دوسە» زەرتتەۋ ورتالىعى جولداعان قۇجاتتاردا قازاقستان تەرريتورياسىندا ءتۇرلى ماقساتتا جۇمىس ىستەيتىن جاسىرىن اگەنتتەردىڭ رف باس بارلاۋ باسقارماسىنىڭ پولكوۆنيگى دەنيس سموليانينوۆكە جولداعان ەسەبى تۋرالى ايتىلعان.

ماتەريالعا نەگىز بولعان قۇجاتتاردىڭ مازمۇنى ۋكرايناداعى ارنايى اسكەري وپەراسيا باستالعاننان كەيىن قازاقستاننىڭ رەسەيگە قاتىستى سىرتقى ساياساتتاعى ۇستانىمى، ىشكى ساياساتتاعى ديسكۋرس، جالپى ساياسي ريتوريكا وزگەردى دەگەنگە سايادى. 

شىعارىلىمدا كورسەتىلگەن قۇجاتتىڭ كەيبىر بولىكتەرىنىڭ سۋرەتتەرىندە «قازاقستاننىڭ سولتۇستىك وڭىرلەرىندەگى اسكەري دايىندىقتىڭ كۇشەيۋى»، «قازاقستاندا جانە ورتالىق ازيادا تۇراتىن ۇلتى ورىس ازاماتتاردىڭ قۇقىقتارى مەن قىزىعۋشىلىقتارىن قورعايتىن ارنايى باعدارلاما ازىرلەۋ»، «اقپاراتتىق جانە مادەني ءىس-شارالاردى قولداۋ، اقپارات قۇرالدارىنىڭ جۇمىسىن جوسپارلاۋ» باعىتىنداعى سوزدەر جازىلعان. 

Azattyq رەداكسياسى اتالعان قۇجاتتاردا ايتىلعان اقپارات بويىنشا ق ر سىرتقى ىستەر مينيسترلىگىنە ساۋال جولداعان. بۇل ماسەلەلەردىڭ ناقتى سيپاتى سىرتقى ساياسات پەن ەلارالىق بايلانىسقا جاۋاپتى ۆەدومستۆونىڭ جاۋابىنان بەلگىلى بولماق. 

ارانداتۋ مەن جالعان اقپارات تاراتۋ ءورشىپ تۇرعان كەزدە ساپالى قوعامنىڭ باستى ءتارتىبى – رەسمي اقپاراتقا عانا سەنۋ. سوندىقتان، اتالعان ماتەريالداردىڭ مازمۇنىنا عانا يەك ارتپاي، ەلدىڭ ىشىنە ىرىتكى سالۋى ىقتيمال جاعدايلارعا قاتىستى ءسىم جاۋابىن كۇتكەن دۇرىس.